Вы тут

Спалучыць архаічнае і сучаснае. Выстаўка «Творцы» адкрылася ў НММ


«Хоць гэта выстава і не прысвечаная Калядам, калядны настрой у ёй, безумоўна, ёсць». Гэтыя словы вядомай мастачкі Тамары Васюк на прэзентацыі яе сумеснай з Уладзімірам Васюком выставы «Творцы» ў Нацыянальным мастацкім музеі цалкам праўдзівыя. Выстава дапаможа не толькі адчуць святочны настрой — але і настроіцца на філасофскі лад, усвядоміць прыналежнасць і да свайго роду, і да ўсяго Сусвету. Сямейная пара Тамары і Уладзіміра Васюкоў адметная: ён — графік, яна — кераміст, у гэтым годзе абодва сталі юбілярамі, адзначылі залатое вяселле. Што агульнага ў гэтых мастакоў? Глыбіня перажыванняў і думкі і гарачая любоў да свайго народу, яго гісторыі і культуры. Уменне спалучыць архаічнае і сучаснае.


Працы абодвух творцаў змушаюць углядацца ў звыклыя рэчы і выходзіць за звыклыя межы. Расколіны на сферычнай шурпатай паверхні... Гэта і след на паверхі нейкай планеты, і след нажа на скарынцы бохана хлеба. Трыпціх Уладзіміра Васюка «Крыж на небе, суладдзе на зямлі» нагадвае міжпланетарнае і вельмі беларускае мысленне Язэпа Драздовіча і ягоныя «візіі», падчас якіх мастак падарожнічаў у космасе... У тэму калядных святаў — і цудоўная графіка «Ценям хрысціянскіх каштоўнасцей», у якой абыгрываюцца, набываюць шмсатсэнсавасць і сакральнасць звычайныя прадметы, напрылад, яйка ці чара. І побач — цудоўная гліняная фігурка аўтарства Тамары Васюк, якую хочацца гладзіць і абдымаць — «Му-му», гэткая архаічная, стылізаваная карова. Многія гледачы сцвярджалі, што ўспрымаюць выраб Тамары Васюк «Бег» як сімвал сённяшняга мітуслівага жыцця, калі многіх паглынула псіхалогія спажывальніцтва: забаўная свінка з прораззю ў спіне — капілка, але на колах. Увесь шлях яе — у пагоні за манетамі. А побач — гліняныя музыкі, вельмі лёгка ўявіць іх сярод калядоўшчыкаў, баранчыкі, збаны, у якіх угадваюцца жаночыя постаці... Дарэчы, іх сямейны тандэм Тамара Васюк увасобіла ў гаршках-спарышах, а выяву смешнай істоты, якая нагадвае льва з дываноў Алены Кіш, лічыць сваім увасабленнем: творчай жанчыне трэба мець у сабе і трошкі ад ільвінай сілы!

На адкрыцці выставы прысутнічалі не толькі калегі мастакоў, але і іх удзячныя вучні з Беларускага дзяржаўнага ўніверсітэта культуры і мастацтва і Беларускай дзяржаўнай акадэміі мастацтваў.

Выстава «Творцы» працягне сваю працу да 12 лютага.

Людміла ІВАНОВА

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.