Вы тут

Карлюкевіч правёў сустрэчу з бібліятэкарамі


У межах працы рэспубліканскай інфармацыйна-прапагандысцкай групы старшыня Саюза пісьменнікаў Беларусі, дырэктар — галоўны рэдактар Выдавецкага дома «Звязда» Алесь Карлюкевіч сустрэўся з калектывам Мінскай раённай цэнтральнай бібліятэкі ў аграгардку Міханавічы. Галоўная тэма размовы — «Асноўныя накірункі дзяржаўнай палітыкі ў галіне інфармацыйнай бяспекі». 


Самы шырокі спектр пытанняў хваляваў удзельнікаў сустрэчы — ад тэлеграм-каналаў да дзейнасці традыцыйных айчынных медыя. Адказваючы на пытанні бібліятэкараў, кіраўнік творчага саюза падрабязна спыніўся і на праблематыцы айчыннага кнігавыдання, расказаў пра нядаўні пленум Саюза пісьменнікаў Беларусі, прысвечаны дзіцячай літаратуры, дзіцячаму чытанню. 

Бібліятэкары выказалі шэраг прапаноў, звязаных з прапагандай кнігі, адзначылі праблемы, якія навідавоку ў развіцці мастацкай літаратуры для падлеткаў, звярнулі ўвагу на тое, што хацелася б апавяданні, аповесці для дзяцей сярэдняга школьнага ўзросту бачыць і на старонках такога некалі папулярнага выдання, як часопіс «Бярозка». Удзельнікі размовы звярнулі ўвагу на тое, што пажадана і саміх пісьменнікаў часцей бачыць у бібліятэках, заўважылі, што цікаўнасць да іх творчасці сёння ў значнай ступені звязана з тым, як актыўна яны сустракаюцца з чытачамі, як настойліва і цікава расказваюць пра свае кнігі, пра тое, што мяркуюць зрабіць у літаратуры ў бліжэйшай будучыні, што з іх твораў рыхтуецца да друку ў выдавецтвах. 

На сустрэчы дасягнуута дамоўленасць, што наўмысна для бібліятэкараў Мінскага раёна Выдавецкі дом «Звязда» і Саюз пісьменнікаў Беларусі правядуць на адной з гандлёвых пляцовак ААТ «Белкніга» (хутчэй за ўсё — у кнігарні «Светач») сустрэчу з найболей папулярнымі сучаснымі пісьменнікамі Беларусі. 

Сяргей ШЫЧКО

Выбар рэдакцыі

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.