Вы тут

Модныя ранцы і салодкія «боксы» з рук губернатара


На дабрачыннае свята ў Гомельскі дзяржаўны цырк запрашэнне атрымалі самыя актыўныя і таленавітыя навучэнцы вобласці, пераможцы міжнародных, абласных, рэспубліканскіх конкурсаў, спартыўных спаборніцтваў, дзеці-інваліды, дзеці са шматдзетных, малазабяспечаных, прыёмных сем’яў, сіроты. Усяго запрашэнні на губернатарскую ёлку атрымалі больш 1300 хлопчыкаў і дзяўчынак. Перад пачаткам шоу госці змаглі ацаніць выставы дасягненняў, танцавальныя пляцоўкі і фотазоны, якія падрыхтавалі ўстановы адукацыі рэгіёна.


Урачыстая цырымонія распачалася прывітаннем удзельнікаў свята старшынёй Гомельскага аблвыканкама Іванам КРУПКО. Кіраўнік рэгіёна ўзнагародзіў дзесяць школьнікаў, якія дасягнулі значных вынікаў у вучобе, творчасці, даследчыцкай дзейнасці і спорце ў бягучым годзе. Сярод тых хто, атрымаў памятныя падарункі з рук губернатара — юная спартсменка са Жлобіна Сафія Тарасеня.

— Я рада, што мае вынікі заўважаны, — падзякавала пераможца шматлікіх спартыўных спаборніцтваў.

— Год запомніцца яркімі конкурсамі. Хачу, каб у новым годзе такіх падзей не станавілася менш. Каб мае родныя, усе людзі былі здаровыя, каб усюды панавала шчасце, сваімі марамі падзялілася і Паліна Ашарчук з Петрыкава. Школьніца таксама была ўшанавана як пераможца алімпіяды па гісторыі, міжнародным форуме тэатральнага мастацтва.

— Школьнікі вобласці заваявалі амаль 130 дыпломаў рэспубліканскіх і міжнародных алімпіяд, занялі першае месца ў краіне па выніках цэнтралізаванага тэсціравання, вось ужо шосты год запар лідзіруюць у рэспубліцы па суме ўзнагарод у розных творчых конкурсах. Дзіцячы тэхнапарк у гэтым годзе занесены на рэспубліканскую Дошку гонару, — адзначыў высокія дасягненні школьнікаў рэгіёна Іван Крупко. — Прэзідэнт, дзяржава робяць усё, каб вы маглі вучыцца і развівацца творча, у спорце, навуцы: абнаўляюцца класы і спартыўныя залы, набываецца сучаснае тэхналагічнае абсталяванне, спартыўны інвентар, — губернатар заклікаў хлопчыкаў і дзяўчынак Гомельшчыны шанаваць і берагчы сваю радзіму, цаніць магчымасць спакойна жыць, вучыцца, развіваць свае таленты.

Наталля КАПРЫЛЕНКА

Фота Ірыны АСТАШКЕВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».