Вы тут

Дабрачынная акцыя для людзей сталага ўзросту «Ад усёй душы» стартавала ў Беларусі


Па ініцыятыве кіраўніка дзяржавы, агучанай на дабрачынным свяце, прысвечаным акцыі «Нашы дзеці», дадзены старт рэспубліканскай дабрачыннай акцыі для людзей сталага ўзросту «Ад усёй душы», паведамілі ў прэс-службе Міністэрства працы і сацыяльнай абароны.


Фота: pixabay.com

Арганізатары акцыі ставяць сваёй мэтай праявіць клопат і ўвагу ў дачыненні да старэйшага пакалення, максімальна далучыць школьнікаў і студэнтаў да пытанняў аказання ім дапамогі і падтрымкі, развіваць дыялог пакаленняў «Ад дзяцей — пажылым людзям». Для маладых людзей гэта новы вопыт, які дазволіць праявіць свае лепшыя душэўныя якасці, а камусьці — вызначыцца з будучай прафесіяй напярэдадні прафесійнага свята — Дня работнікаў сацыяльнай абароны.

Акцыя арганізавана Міністэрствам працы і сацыяльнай абароны і Міністэрствам адукацыі сумесна з грамадскімі аб’яднаннямі «Беларускі рэспубліканскі саюз моладзі» і «Беларуская рэспубліканская піянерская арганізацыя».

Зараз у краіне больш за 120 тыс. адзінокіх грамадзян сталага ўзросту, якія асабліва востра адчуваюць патрэбу ў камунікацыі і ўвазе ў навагоднія святы. Пры гэтым яшчэ каля 20 тыс. чалавек пражываюць у стацыянарных установах сацыяльнага абслугоўвання, а для 100 тыс. чалавек арганізаваны дзённы догляд і адукацыйная дзейнасць тэрытарыяльнымі цэнтрамі сацыяльнага абслугоўвання насельніцтва.

Асноўнымі мерапрыемствамі з 3 па 14 студзеня стануць віншаванні людзей сталага ўзросту ва ўстановах сацыяльнага абслугоўвання, бальніцах сястрынскага догляду, а таксама падчас наведванняў дома. Адбудуцца сустрэчы старэйшага і маладога пакаленняў у фармаце чаяванняў, круглых сталоў, будуць арганізаваны канцэрты, тэатралізаваныя паказы і інш. Асаблівая ўвага — доўгажыхарам, якія ў перыяд акцыі адзначаць свой юбілей.

Павіншуюць людзей стлага ўзросту не толькі дзеці і моладзь, але і кіраўнікі мясцовых органаў улады, дзяржаўных органаў і іншых арганізацый, дэпутаты. Далучыцца да гэтай добрай ініцыятывы можа любы жадаючы.

У сістэме сацабслугоўвання ў навагоднія святы традыцыйна праходзяць віншаванні людзей сталага ўзросту. З 15 снежня па 2 студзеня ва ўстановах сацыяльнага абслугоўвання адбылося амаль 2 тыс. мерапрыемстваў (канцэртныя праграмы, святочныя чаяванні і інш.), у якіх паўдзельнічала каля 50 тыс. грамадзян сталага ўзросту.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?