Вы тут

Пройдзе сумеснае лётна-тактычнае вучэнне Расіі і Беларусі


З 16 студзеня да 1 лютага 2023 года пройдзе сумеснае лётна-тактычнае вучэнне з авіяцыйнымі падраздзяленнямі ўзброеных сіл Рэспублікі Беларусь і Расійскай Федэрацыі. У панядзелак у Беларусь прыбыў авіяцыйны складальнік з ліку Ваенна-касмічных сіл Узброеных сіл Расійскай Федэрацыі. Падчас правядзення лётна-тактычнага вучэння будуць задзейнічаны ўсе аэрадромы і палігоны Узброеных Сіл Беларусі.


Пра гэтае вучэнне ішла гаворка на мінулым тыдні, падчас наведвання Прэзідэнтам Беларусі Аляксандра Лукашэнкі 230-га агульнавайсковага палігона Абуз-Лясноўскі пад Баранавічамі. Кіраўнік дзяржавы асабіста праверыў, як арганізаваны заняткі па баявой падрыхтоўцы беларускіх ваенных. Зыходзячы са складанай ваенна-палітычнай абстаноўкі, Прэзідэнт трымае на асабістым кантролі пытанні, звязаныя з баявой гатоўнасцю Узброеных Сіл Рэспублікі Беларусь. Таксама падчас наведвання палігона Аляксандр Лукашэнка заслухаў даклад аб завяршэнні баявога зладжвання часцей і злучэнняў рэгіянальнай групоўкі войск. На Абуз-Лясноўскім палігоне размяшчаецца расійская частка рэгіянальнай групоўкі войск. Кіраўнік дзяржавы азнаёміўся з размяшчэннем воінскіх часцей і падраздзяленняў расійскіх Узброеных Сіл, паразмаўляў з салдатамі і афіцэрамі.

«Для мяне гэта вельмі важна, не толькі для мяне — для Беларусі гэты досвед вельмі важны. Я вельмі ўважліва буду вас слухаць і выкарыстоўваць пры падрыхтоўцы нашых Узброеных сіл Беларусі і Расіі для абароны агульнай Айчыны. Самае важнае і самае галоўнае — мы з вашымі военачальнікамі дамовіліся, што вы скажаце пра недахопы, таму што нам і далей давядзецца працаваць у такім рэжыме, рыхтаваць беларусаў і расіян, — сказаў Аляксандр Лукашэнка, звяртаючыся да расійскіх вайскоўцаў. — Мы не толькі дапамаглі вам. Мы самі сабе дапамаглі. Мы ад вас атрымліваем інфармацыю вялікую, гэта досвед. Нашы афіцэры дапамагаюць рыхтавацца тым, хто пораху не нюхаў, груба кажучы, і тым, каму трэба ўспомніць навыкі ваенныя. Для іх гэта таксама школа, досвед».

Па словах Дзяржаўнага сакратара Савета Бяспекі Аляксандра Вальфовіча, рэгіянальная групоўка войскаў — гэта адзін са стратэгічных элементаў стрымлівання, элемент, які на сёння павінен астудзіць гарачыя галовы на захадзе з яго агрэсіўнай палітыкай у адносінах да Рэспублікі Беларусь, у адносінах да Саюзнай дзяржавы. «Мы бачым, што сёння на заходніх граніцах Саюзнай дзяржавы адбываецца вялікая ваенная актыўнасць, нарошчваецца колькасць вучэнняў. Пастаянна фіксуем і пралёты разведвальнай авіяцыі. Зусім неміралюбная палітыка зыходзіць ад нашых суседзяў. Таму было прынята рашэнне аб разгортванні рэгіянальнай групоўкі войскаў. Яна мае выключна абарончыя мэты і прызначана для абароны перш за ўсё граніц Саюзнай дзяржавы», — падкрэсліў Аляксандр Вальфовіч.

Беларускія і расійская ваенныя займаюцца па адзіных праграмах, з прыцягненнем інструктараў з абодвух бакоў. Намеснік міністра абароны Рэспублікі Беларусь генерал-маёр Андрэй Жук расказаў, што мэтавая ўстаноўка была на адзіночную падрыхтоўку і заключалася ў першую чаргу ў тым, каб навучыць афіцэра і салдата дзеянням у розных відах бою. Таму падрыхтоўка праводзіцца па розных кірунках. «На сёння можна канстатаваць, што рэгіянальная групоўка войскаў да абароны Саюзнай дзяржавы гатова», — адзначыў Андрэй Жук. Па яго словах, на гэтым падрыхтоўка не спыняецца, у далейшым будзе ажыццяўляцца падрыхтоўка міжвідавых падраздзяленняў. Сумеснае лётнае тактычнае вучэнне з'яўляецца адным з этапаў такой падрыхтоўкі.

Валерыя СЦЯЦКО

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.