Вы тут

Сонечныя праменьчыкі запускаюць героі Алены Стэльмах


У сераду, 18 студзеня 2023 года, у кнігарні «Светач» ААТ «Белкніга» а 13-й гадзіне пачнецца прэзентацыя кніг вядомай пісьменніцы Алены Стэльмах, адрасаваных юнаму чытачу. 


Размова на прэзентацыі ў кнігарні «Светач», якая месціцца па адрасе: Мінск, праспект Пераможцаў, 11, пойдзе пра новае выданне твораў — зборнік казак «Пашка і сонечны праменьчык». Маляўніча аформленая кніга, мастаком якой выступіла кніжны графік Ліяна Жванія, несумнена, павінна прыцягнуць увагу юных чытачоў. У новай кнізе вядомай пісьменніцы сабраныя казкі разнастайнай тэматыкі: на аснове рэалій сучаснага жыцця, фальклорных матываў, паводле гістарычнага мінулага Айчыны. Але ўсе творы яднае адметны стыль аўтара, што абапіраецца на светапогляд беларусаў, на нацыянальныя каштоўнасці нашага народа. Дарэчы, казка «Дуб і крумкач» уваходзіць у вучэбную праграму па беларускай літаратуры для навучэнцаў IX класа агульнаадукацыйнай школы. 

На прэзентацыі ўвазе чытачоў і пакупнікоў будуць прадстаўлены і іншыя кнігі Алены Стэльмах — «Супоўніца Міла», «В гостях у Франциска Скорины». Кожны жадаючы зможа набыць любое са згаданых выданняў і атрымаць аўтограф. 

Сяргей ШЫЧКО

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».