Вы тут

«Ветразь лёсу» . Творчы вечар да 75-годдзя Навума Гальпяровіча адбыўся ў НББ


Сярод сустрэч са знакамітымі творцамі, якія ладзіць Нацыянальная бібліятэка Беларусі, гэта была незвычайнай. У галерэю «Лабірынт» на творчы вечар «Ветразь лёсу» сабраліся тыя, хто ведае паэта, заслужанага дзеяча культуры Рэспублікі Беларусь Навума Гальпяровіча яшчэ і як вельмі цікавага публіцыста, папулярнага тэлевядучага, вопытнага радыёжурналіста. Яго аўтарскія праграмы уздымаюць актуальныя пытанні культуры і гісторыі, на працягу многіх гадоў ён знаёміць нас са знакамітымі грамадскімі і культурнымі дзеячамі краіны.


Такая шматвектарнасць творчасці вядомага літаратара і вызначыла фармат сустрэчы — прысутныя з цікавасцю задавалі пытанні пра яго літаратурную працу, жыццёвы шлях, захапленні. Да гэтай размовы бібліятэка падрыхтавала са сваіх фондаў вялікую выстаўку са шматлікімі аўтарскімі зборнікамі, часопісамі, газетамі — яны сведчаць пра творчыя здабыткі Навума Гальпяровіча за час, што мінуў са з’яўлення яго першай публікацыі. З юнацтва захоплены творчасцю, ён і па сёння плённа працуе. На рахунку пісьменніка мноства кніг паэзіі і прозы, яго вершы пакладзеныя на музыку вядомымі беларускімі кампазітарамі.

Нечаканым для многіх прысутных стаў адказ пісьменніка на пытанне, пра яго даўнюю прыхільнасць да спеваў. У доказ сваёй любові да песні вядомы паэт праспяваў, а пасля атрымаў ад залы заслужаныя апладысменты. Дарэчы, такі ж «песенны сюрпрыз» можа быць і ў сцэнарыі яго будучага творчага вечара, які адбудзецца ў Доме літаратара.

Напрыканцы гэтай сустрэчы прыхільнікі творчасці Навума Гальпяровіча мелі магчымасць атрымаць аўтограф пісьменніка на першай старонцы аднаго з яго самых вядомых зборнікаў «Сюжэт для Вечнасці».

Яўген ПЯСЕЦКІ

Фота аўтара

Выбар рэдакцыі

Грамадства

Мабільны дадатак Фонду сацыяльнай абароны насельніцтва раскажа пра будучую пенсію

Мабільны дадатак Фонду сацыяльнай абароны насельніцтва раскажа пра будучую пенсію

Спампаваўшы яго, можна даведацца інфармацыю аб будучай пенсіі: ваш страхавы стаж, найменні работадаўцаў і час, які вы ў іх адпрацавалі, узносы, якія выплачвае работадавец.

Здароўе

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Вядучыя анколагі расказалі пра новыя метады лячэння, якія яшчэ нядаўна былі недаступныя, а сёння выратоўваюць жыцці пацыентам.

Грамадства

Як жывуць і каго чакаюць у госці жыхары адрэзанай вадой Палянаўкі

Як жывуць і каго чакаюць у госці жыхары адрэзанай вадой Палянаўкі

Працягваем сачыць за развіццём паводкавай сітуацыі.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.