Вы тут

Мінпрацы прагназуе павелічэнне зарплат бюджэтнікаў на 16 працэнтаў


Паводле прагнозаў Міністэрства працы і сацыяльнай абароны, заработныя платы работнікаў бюджэтных сфер павялічацца ў гэтым годзе на 16 працэнтаў. Аб гэтым у эфіры «Беларусь 1» заявіла міністр працы і сацабароны Ірына Касцевіч, паведамляе БелТА.


Катэгорыі грамадзян з невысокай заработнай платай заўсёды ўдзялялася асаблівая ўвага, адзначыла Ірына Касцевіч. «У гэтым годзе яны могуць разлічваць, што даходы вырастуць. На выплату зарплат у бюджэтных галінах (ахова здароўя, адукацыя, культура, спорт і сацыяльнае абслугоўванне) прадугледжана Br15,6 млрд. З 1 студзеня 2023 года павялічылася базавая стаўка да Br228, што на 10 працэнтаў больш адносна 1 студзеня мінулага года. Следам за базавай стаўкай пачалі расці стымулюючыя, кампенсуючыя выплаты, таму што яны прывязаны да яе», — расказала яна.

Міністр дадала, што ў гэтым годзе памер стымулюючых выплат павялічыўся не толькі за кошт базавай стаўкі, але і дзякуючы таму, што на іх будзе выдзелена больш фінансаў. З бюджэту на гэтыя выплаты будзе накіравана больш як Br900 млн, з іх Br350 млн — гэта дадатковыя расходы адносна 2022 года. «Зарплата ў бюджэтнай галіне будзе расці. Мы прагназуем, што яе рост складзе дзесьці 16 працэнтаў — у сярэднім на Br200», — заявіла Ірына Касцевіч.

У мінулым годзе тройчы пераглядаўся памер пенсій. У гэтым годзе кіраўнік дзяржавы паставіў задачу таксама зрабіць тры індэксацыі, падкрэсліла кіраўнік Мінпрацы. «Мы ўжо думаем, як выканаць гэта даручэнне. Вядома, усё залежыць ад таго, як будзе працаваць эканоміка і як будуць фарміравацца даходы Фонду сацыяльнай абароны. Пры гэтым з бюджэту фонду запланавана накіраваць Br18,8 млрд толькі на выплату пенсій, а ў гэтай суме толькі на павышэнне пенсій прадугледжана Br2,5 млрд», — рэзюмавала яна.

Прэв’ю: БелТА

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.