Дэпутатамі Палаты прадстаўнікоў у мінулым годзе на сесіі прынята 59 законапраектаў у першым чытанні і 90 — у другім, заявіў старшыня Палаты прадстаўнікоў Уладзімір Андрэйчанка на пасяджэнні Савета Палаты прадстаўнікоў, перадае БелТА.
«Мы праводзім першае ў бягучым годзе пасяджэнне Савета Палаты прадстаўнікоў. Фактычна гэты год з’яўляецца фінальным у працы Палаты прадстаўнікоў сёмага склікання. І, вядома, адзін з галоўных напрамкаў нашай працы — заканадаўчая дзейнасць. Нядрэнна папрацавалі за мінулы год у цэлым усе камісіі. Намі было прынята 59 законапраектаў у першым чытанні і 90 — у другім. Гэта значыць праца праведзена вялікая. Я б папрасіў, каб гэты тэмп, які мы набралі, асабліва ў другім паўгоддзі мінулага года, каб мы яго захавалі і сёлета», — сказаў Уладзімір Андрэйчанка.
Паводле яго слоў, на сённяшні дзень у пастаянных камісіях знаходзіцца 26 законапраектаў. «21 законапраект трэба разгледзець у другім чытанні. Практычна гэта 80% ад законапраектаў, якія трэба разгледзець у другім чытанні. Заўтра ў нас пленарнае пасяджэнне, і мы больш падрабязна абмяркуем там гэтыя пытанні і задачы, якія перад намі стаяць», — адзначыў спікер.
Фота: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
