Нацыянальны метэаралагічны цэнтр КНР (НМЦ) аб’явіў папярэджанне «сіняга» ўзроўню ў сувязі з пахаладаннем, прагназуючы моцныя перапады тэмператур і штармавыя вятры ў большасці цэнтральных і ўсходніх раёнаў краіны, перадае «Жэньмінь жыбаа» анлайн».
Паводле звестак НМЦ, да серады тэмпература паветра ўпадзе на 12-14 градусаў у некаторых раёнах Паўночна-Усходняга Кітая, рэгіёнах на поўдзень ад ракі Янцзы і на поўдні Кітая. У гэты перыяд у некаторых раёнах правінцыі Цзілінь пахаладае больш чым на 16 градусаў.
Паводле паведамлення НМЦ, штармавыя вятры таксама абрынуцца на гэтыя раёны. Цэнтр папярэдзіў аб уплыве халоднай хвалі на сельскую гаспадарку, спецыялісты рэкамендавалі жыхарам прыняць меры засцярогі ад рэзкага пахаладання і штармавых вятроў.
Як вядома, у Кітаі прынята чатырохузроўневая сістэма папярэджанняў аб неспрыяльных умовах надвор’я, у якой найвышэйшы ўзровень небяспекі абазначаецца чырвоным колерам, за ім ідуць аранжавы, жоўты і сіні.
Методыка аказалася запатрабаванай у нашай краіне і за яе межамі.
Лёс другога зборніка ў літаратарскай кар’еры — самы складаны.
На пытанні «Звязды» адказвае галоўны рэдактар расійскага літаратурнага часопіса «Москва».
Ужо традыцыя з нагоды Дня роднай мовы прапаноўваць чытачам праверыць свае веды.
