Зборная Беларусі па пляжным футболе паспяхова правяла першы кантрольны матч новага сезона, паведамляе БелТА.
На пляцоўцы цэнтра пляжных відаў спорту «Дынаміт» у Санкт-Пецярбургу падапечныя Нікаласа Альварада разграмілі каманду Узбекістана з сухім лікам 13:0. У гэтай сустрэчы чатыры разы вызначыўся Уладзімір Усціновіч, Вадзім Бокач аформіў хет-трык, па два галы забілі Мікіта Чайкоўскі і Алег Гапон, па адным разе вароты сапернікаў паразілі Аляксандр Кірылаў і Яўген Новікаў. Сёння сапернікі сустрэнуцца зноў. Зборная Узбекістана рыхтуецца да выступлення на чэмпіянаце Азіі, які пройдзе ў Тайландзе з 16 па 26 сакавіка. На групавым этапе яе сапернікамі будуць каманды Малайзіі, ААЭ і Ірана.
Заўтра беларуская дружына завершыць першы ў гэтым сезоне вучэбна-трэніровачны збор сустрэчай з бронзавым прызёрам чэмпіянату Расіі маскоўскім ЦСКА.
Прэв’ю: БелТА
Методыка аказалася запатрабаванай у нашай краіне і за яе межамі.
Лёс другога зборніка ў літаратарскай кар’еры — самы складаны.
На пытанні «Звязды» адказвае галоўны рэдактар расійскага літаратурнага часопіса «Москва».
Ужо традыцыя з нагоды Дня роднай мовы прапаноўваць чытачам праверыць свае веды.
