Вы тут

У Слаўгарадскім раёне будзе праводзіцца новае свята «Народная прыпеўка»


У Слаўгарадскім раёне будзе праводзіцца новае свята «Народная прыпеўка». Гэта прадугледжана рашэннем Слаўгарадскага раённага выканаўчага камітэта ад 29 снежня 2022 года нумар 49-18, паведамляе БелТА са спасылкай на Нацыянальны прававы інтэрнэт-партал.


Дакументам зацверджана інструкцыя, якой вызначаны парадак арганізацыі і правядзення свята. Яго арганізатарамі будуць Слаўгарадскі райвыканкам, аддзел ідэалагічнай работы, культуры і па справах моладзі райвыканкама і дзяржаўная ўстанова культуры «Цэнтралізаваная клубная сістэма Слаўгарадскага раёна».

Свята накіравана на развіццё і папулярызацыю жанра народнай прыпеўкі, традыцыйнай ігры на гармоні, пошук таленавітых індывідуальных выканаўцаў і калектываў, павышэнне мастацкага ўзроўню калектываў і выканаўцаў, захаванне ў рэпертуары калектываў і індывідуальных выканаўцаў лепшых узораў фальклорнай спадчыны і мясцовага аўтэнтычнага матэрыялу, фарміраванне ў маладога пакалення пачуцця павагі да народнай культуры як асновы нацыянальнай самасвядомасці народа, умацаванне адзінай культурнай прасторы і пашырэнне творчых кантактаў і культурных сувязей.

Мерапрыемства будзе праводзіцца раз у два гады. Чакаецца, што ў ім будуць удзельнічаць творчыя калектывы і індывідуальныя выканаўцы Слаўгарадскага раёна, а таксама прадстаўнікі з іншых раёнаў, гарадоў і абласцей, замежных краін.

Праграмай мерапрыемства прадугледжаны ў тым ліку конкурсныя выступленні ў намінацыях «Выканаўцы прыпевак» (індывідуальныя выканаўцы), «Гарманісты» (ансамблі гарманістаў ад двух і больш выканаўцаў) і «Групы і ансамблі» (фальклорныя групы, ансамблі народнай песні).

Удзельнікамі конкурсу могуць стаць аматарскія калектывы мастацкай творчасці і індывідуальныя выканаўцы ва ўзросце ад 18 гадоў уключна на дзень яго правядзення.

Дату, тэрмін і месца правядзення свята вызначае райвыканкам. Гэта інфармацыя будзе размешчана на яго афіцыйным сайце за трыццаць каляндарных дзён да пачатку мерапрыемства.

Рашэнне ўступае ў сілу пасля яго афіцыйнага апублікавання.

Прэв’ю: БелТА

Выбар рэдакцыі

Энергетыка

Беларусь у лідарах па энергаэфектыўнасці

Беларусь у лідарах па энергаэфектыўнасці

А сярод краін ЕАЭС — на першым месцы.

Моладзь

Аліна Чыжык: Музыка павінна выхоўваць

Аліна Чыжык: Музыка павінна выхоўваць

Фіналістка праекта «Акадэмія талентаў» на АНТ — пра творчасць і жыццё.

Грамадства

24 красавіка пачаў работу УНС у новым статусе

24 красавіка пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.