У Белгідрамеце працуюць над мадэрнізацыяй лікавай мадэлі прагнозаў надвор’я. Пра гэта распавяла на прэс-канферэнцыі першы намеснік начальніка Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Святлана Кузьміч, перадае БелТА.
Як адзначыла спецыяліст, паспяховасць любой службы залежыць ад выкарыстаных у працы тэхналогій. Белгідрамет разумее неабходнасць укаранення новых распрацовак і крыніц інфармацыі, у сувязі з чым актыўна ўдзельнічае ў рэалізацыі розных навуковых прац.
«Сумесна з Інстытутам прыродакарыстання НАН Беларусі мы рэалізуем праект па мадэрнізацыі лікавай мадэлі прагнозаў надвор’я, якая выкарыстоўваецца ў нас у Белгідрамеце. Гэта выконваецца для павышэння дакладнасці і апраўдвальнасці прагнозаў надвор’я», — адзначыла Святлана Кузьміч.
Паводле яе слоў, раней у гэтую мадэль акрамя дадзеных метэаралагічных станцый і гідралагічных пастоў дадалі яшчэ дадзеныя метэаралагічных радыёлакатараў.
«На дадзены момант мы працуем над укараненнем у лікавую мадэль дадзеных тэмпературна-ветравых профілемераў, якія былі закуплены намі раней», — падкрэсліла спецыяліст.
Прэв’ю: БелТА
Методыка аказалася запатрабаванай у нашай краіне і за яе межамі.
Лёс другога зборніка ў літаратарскай кар’еры — самы складаны.
На пытанні «Звязды» адказвае галоўны рэдактар расійскага літаратурнага часопіса «Москва».
Ужо традыцыя з нагоды Дня роднай мовы прапаноўваць чытачам праверыць свае веды.
