Колькасць пасылак, дастаўленых кур’ерскімі службамі Кітая за мінулы год, дасягнула 110,58 мільярда адзінак, павялічыўшыся на 2,1 працэнта ў гадавым выражэнні. Па гэтым паказчыку Кітай займае першае месца ў свеце ўжо дзевяць гадоў запар, перадае «Жэньмінь жыбаа» анлайн».
Максімальная сутачная колькасць апрацаваных пасылак у краіне перавысіла 700 мільёнаў адзінак, колькасць экспрэс-пасылак на душу насельніцтва наблізілася да 80 адзінак. Выручка прадпрыемстваў сектара экспрэс-дастаўкі Кітая ў мінулым годзе склала 1,06 трыльёна юаняў (156,7 млрд. долараў), што на 2,3 працэнта больш у параўнанні з аналагічным перыядам 2021 года.
Прыкметна павысілася даступнасць кур’ерскай дастаўкі ў сельскай мясцовасці Кітая. Па стане на канец мінулага года па ўсёй краіне налічваецца 430 тысяч аперацыйных пунктаў галіны экспрэс-дастаўкі, у паветах было пабудавана 990 цэнтраў выдачы і прыёму пасылак, у вёсках — 278 тысяч пунктаў з падобнымі функцыямі.
У мінулым годзе прадпрыемствы сектара экспрэс-дастаўкі Кітая задзейнічалі ў сельскіх раёнах амаль 20 тысяч новых аўтатранспартных сродкаў для дастаўкі пасылак. Было запушчана 1888 паштовых маршрутаў. Дзякуючы гэтым мерам у 95 працэнтах кітайскіх вёсак прадастаўлены паслугі экспрэс-дастаўкі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
