Забарона выхаду на лёд дзейнічае на Камсамольскім возеры ў Мінску

Забарона выхаду на лёд дзейнічае на тэрыторыі Камсамольскага возера ў Мінску, паведамляе БелТА са спасылкай на Мінскую гарадскую арганізацыю АСВОД.

У сувязі з няўстойлівымі ўмовамі надвор’я, а таксама нераўнамернасцю лядовага пакрыцця, адміністрацыі раёнаў сталіцы прынялі распараджэнне аб забароне выхаду на лёд на тэрыторыі Камсамольскага возера, а таксама ў месцах прамывін і нетрываласці лёду на Цнянскім і Чыжоўскім вадасховішчах і вадасховішчы Дразды.

Двойчы ў тыдзень у сваім тэлеграм-канале Мінская гарадская арганізацыя АСВОД распавядае аб стане лядовага пакрыцця на вадасховішчах ў раёнах дзеяння выратавальных станцый.

Прэв’ю: БелТА