Прэм’ер-міністр Раман Галоўчанка наведаў Навукова-практычны цэнтр НАН Беларусі па харчаванні, дзе напярэдадні Дня навукі вучоныя паказалі свае напрацоўкі, перадае БелТА.
НПЦ па харчаванні створаны ў 2006 годзе на аснове БелНДІ харчовых прадуктаў, Інстытута мяса-малочнай прамысловасці і «Белтэхнахлеба». Вучоныя НПЦ ствараюць тэхналогіі вытворчасці прадуктаў харчавання для заводаў. Яны працуюць амаль з усімі прадпрыемствамі — і дзяржаўнымі, і прыватнымі, і вельмі буйнымі, і дробнымі. Працуюць і з фермерскімі гаспадаркамі, напрыклад над тэхналогіяй сушкі сухафруктаў. Раман Галоўчанка азнаёміўся з дзейнасцю цэнтра, яго асноўнымі паказчыкамі развіцця, вынікамі работы за мінулы год, наведаў лабараторыі цэнтра.
Цяпер у краіне рэалізуецца пілотны праект Мінадукацыі, які накіраваны на вывучэнне смакавых пераваг школьнікаў і ўдасканаленне арганізацыі харчавання. Удзельнічае ў ім 21 беларуская школа: па тры ў кожнай вобласці і тры — у Мінску.
НПЦ НАН па харчаванні прымае актыўны ўдзел у гэтым пілотным праекце. Прэм’ер-міністр вывучыў прапанаваныя распрацоўкі цэнтра для школьнага харчавання. У прыватнасці, прадукты, прадстаўленыя ў школьных буфетах, у рамках выканання пілотнага праекта, прадукты для выкарыстання ў школьных сталовых.
Вучоныя імкнуцца, каб прадукцыя была смачнай, але з нізкай колькасцю цукру і солі, без вострых спецый. Напрыклад, распрацаваны аналагі кукурузных палачак з розных кампанентаў са зменшанай колькасцю солі і цукру, а таксама батончыкі, нізкабялковыя снэкі, бульба фры, вырабленая са зменшанай колькасцю алею, мультызлакавае пячэнне, абагачанае кальцыем, і г.д. «Ёсць сёння пытанне па глазураваных сырках. Мы таксама спрабуем дапрацаваць рэцэптуру, каб выключыць павышаную колькасць цукру і прывесці ў адпаведнасць да норм, распрацаваных Міністэрствам аховы здароўя. Мы працуем з вытворцамі над рэцэптурамі», — сказаў генеральны дырэктар НПЦ НАН па харчаванні Аляксей Меляшчэня.
Першы намеснік старшыні канцэрна «Белдзяржхарчпрам» Таццяна Шадко адзначыла: «Асноўныя нашы навацыі — у кандытарскай галіне. Ключавы напрамак — вытворчасць прадуктаў здаровай лінейкі харчавання. Прадукцыя змяшчае максімальную колькасць натуральных інгрэдыентаў. Вялікая лінейка прадуктаў вырабляецца без цукру, са змяншэннем цукру. Мы стараемся вырабіць прадукцыю з багатай харчовай каштоўнасцю. У прыватнасці, абагачаем яе бялкамі, поліненасычанымі тлустымі кіслотамі, прабіётыкамі, клятчаткай, пажыўнымі валокнамі — тое, што важна для стрававання. Усю дзіцячую лінейку стараемся абагаціць полівітамінным комплексам. Уся наша прадукцыя можа быць рэкамендавана мэтавым групам — для дыетычнага, дыябетычнага харчавання, для людзей, якія вядуць актыўны спосаб жыцця, а таксама якія не могуць ужываць лактозу, глютэн і г.д.»
Пілотны праект стартаваў 19 снежня 2022 года і завершыцца 30 красавіка 2023 года.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
