У Раўбічах працягваецца пяты этап Кубка Садружнасці па біятлоне, удзел у якім прымаюць наймацнейшыя беларускія і расійскія спартсмены, паведамляе БелТА.
Першымі на старт суботніх гонак пераследу выйшлі мужчыны. Другую перамогу запар і ўжо трэцюю ў Раўбічах атрымаў расіянін Эдуард Латыпаў. Ураджэнец Гродна выйшаў на дыстанцыю з 16-секунднай перавагай і здолеў захаваць яе, нават нягледзячы на тры штрафных круга. За другую пазіцыю на апошняй пятлі змагаліся Данііл Серахвостаў і Антон Смольскі. Усё вырашылася толькі ў фінішным створы, дзе на адну дзясятую секунды хутчэй быў Смольскі, які працягвае лідзіраваць у агульным заліку турніру.
У дзясятку наймацнейшых трапілі яшчэ два беларусы: Максім Варабей стаў восьмым, Мікіта Лабастаў — дзясятым, Сцяпан Данілаў і Дзмітрый Лазоўскі размясціліся ўслед за ім.
Жаночая гонка пераследу стартуе ў 14.00. Завершыцца праграма пятага этапу Кубка Садружнасці ў Раўбічах заўтра двума мас-стартамі.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
