Магілёўскі гандбольны клуб «Машэка» пацярпеў шостае паражэнне ў групавым этапе дывізіёна «Усход» SEHA-лігі, паведамляе БелТА.
У паядынку 6-га тура папярэдняй групы ў спартсмены Магілёва саступілі на сваёй арэне «Зеніту» з Санкт-Пецярбурга з лікам 26:32. Магіляўчане прайгралі ўсе сустрэчы першага этапу. Лідар гэтага квартэта «Мяшкоў Брэст», пакуль не страціў ні аднаго ачка, заўтра згуляе на сваёй пляцоўцы з ЦСКА. Становішча каманд: «Мяшкоў Брэст» — 10 ачкоў (5 матчаў), ЦСКА — 7 (5), «Зеніт» — 5 (6), «Машэка» — 0 (6).
Заўтра ў групе А гандбалісты «Гомеля» сустрэнуцца на выездзе з «Пермскімі мядзведзямі». У апошні гульнявы дзень папярэдняга этапу 30 студзеня віцэ-чэмпіён Беларусі мінскі СКА прыме ў спарткомплексе «Уручча» чэмпіёнаў Расіі «Чэхаўскіх мядзведзяў». Становішча каманд перад заключнымі матчамі такое: «Чэхаўскія Мядзведзі» — 10 ачкоў, СКА — 5, «Пермскія Мядзведзі» — 4, «Гомель» — 1.
Пасля завяршэння матчаў у групах лепшыя каманды двух квартэтаў сустрэнуцца з апошнімі, другія — з трэцімі, пасля чаго пераможцы гэтых баталій выйдуць у чвэрцьфінал.
Папярэдні этап дывізіёна «Поўдзень» завершыцца 27 сакавіка. У групе А гуляюць «Еўрафарм» (Бітола, Паўночная Македонія), «Нексе» (Нашыцэ, Харватыя) і «Ваяводзіна» (Нові-Сад, Сербія), у трыа ў уваходзяць "Партызан«(Бялград, Сербія), «Вардар» (Скоп’е, Паўночная Македонія) і «Татран» (Прэшаў, Славакія). Лепшыя клубы мінулага сезона SEHA-лігі венгерскі «Веспрэм» і харвацкі «Заграб» стартуюць з чвэрцьфінальнай стадыі.
У вырашальным паядынку мінулага сезона «Веспрэм» з беларусам Мікітам Вайлупавым у складзе перамог «Заграб» (32:30). У матчы за бронзу «Еўрафарм» быў мацнейшы за «Некс» (27:23).
Прэв’ю: БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
