Вы тут

Савет Рэспублікі адобрыў законапраекты аб УНС і дзейнасці палітычных аб’яднанняў


Падчас пасяджэння дзясятай сесіі Савета Рэспублікі сёмага склікання, парламентарыямі былі адобраны законапраекты, датычныя асноў грамадзянскай супольнасці, дзейнасці палітычных і грамадскіх аб’яднанняў, а таксама Усебеларускага народнага сходу.


Спікер верхняй палаты парламента Наталля Качанава скіравала ўвагу на тое, што праект закона «Аб Усебеларускім народным сходзе» шмат абмяркоўваўся з насельніцтвам у розных рэгіёнах краіны: 

— Такая форма народаўладдзя як УНС існуе толькі ў нас, у Беларусі. Яна зарэкамендавала сябе даволі даўно — было праведзена ўжо шэсць УНС. Але цяпер, прымаючы законапраект, мы надаем УНС статус дзяржаўнага органа — найвышэйшага органа народаўладдзя. Члены Савета Рэспублікі актыўна ўключаліся ў распрацоўку, мы разглядалі праект закона на пасяджэнні экспертнага савета, абмяркоўвалі законапраект з нашымі людзьмі ў розных рэгіёнах Беларусі. Тыя падзеі, якія мы бачым свеце, даюць нам зразумець: мір вельмі неспакойны. І для таго, каб наша краіна развівалася і жыла паводле суверэнных і незалежных законаў, канешне, у нас павінен быць орган улады, які дазволіць у крытычныя моманты прымаць вельмі важныя і сур’ёзныя для нашай краіны і нашага народа рашэнні.

Намеснік старшыні Пастаяннай камісіі па адукацыі, навуцы і культуры Алег Дзячэнка адзначыў, што праект «Аб змяненні законаў па пытаннях дзейнасці палітычных партый і іншых грамадскіх аб’яднанняў» накіраваны не толькі на развіццё грамадскай супольнасці, але і стымулюе дзейнасць палітычных партый: 

— Плануецца, што ў кожнай вобласці павінна быць не менш за 100 членаў партыі, прадстаўніцтвы будуць стварацца не менш чым у адной трэці абласцей і раёнаў, уключаючы горад Мінск. Павялічваецца партыйная колькасць да 5000 членаў — гэта вельмі важна. Нам неабходна выключыць з гэтага працэсу партыі, якія налічваюць усяго некалькі дзясяткаў чалавек і якія не прадстаўляюць інтарэсаў народа Беларусі. Таму змяненні будуць накіраваны на тое, каб сёння партыі больш актыўна працавалі з грамадзянскім сектарам, прадастаўлялі магчымасці нашым грамадзянам рэалізаваць свае палітычныя права і ў тым ліку прымаць удзел у выбарчым працэсе. 

Алег Дзячэнка дадаў, што важным новаўвядзеннем стане тое, што членамі партый могуць быць толькі грамадзяне Рэспублікі Беларусь, якія дасягнулі 18 гадоў. Таксама забараняецца фінансаванне палітычных партый і аб’яднанняў з замежных крыніц, паколькі замежнае фінансаванне можа паўплываць на ўнутранапалітычныя працэсы, адзначыў сенатар. У той жа час дапускаецца фінансаванне палітычных партый з боку асобных грамадзян і фізічных асоб, якія з’яўляюцца рэзідэнтамі Рэспублікі Беларусь: сумма ахвяравання не павінна перавышаць 1000 базавых велічынь у год. 

Член Савета Рэспублікі, старшыня РГА «Белая Русь» Алег Раманаў, каментуючы праект закона «Аб асновах грамадзянскай супольнасці», адзначыў, што ён змяшчае ў сабе як светапоглядны, так і юрыдычны змест: 

— Светапоглядны аспект вельмі важны, справа ў тым, што грамадзянская супольнасць у палітычнай навуцы часта разумецца як апанент дзяржаве. А бывае, і як сіла, якая знаходзіцца ў жорсткім супрацьстаянні з дзяржавай. Наш закон устанаўлівае зусім іншыя прынцыпы ўзаемадзення дзяржавы і грамадзянскай супольнасці. Гэта не апаненты і тым больш не ворагі: дзяржава і грамадзянская супольнасць — саюзнікі ў вырашэнні значных грамадскіх праблем. І задача грамадзянскай супольнасці заключаецца ў тым, каб дапамагаць дзяржаве і беларускаму народу вырашаць значныя сацыяльныя праблемы і рухацца па шляху ўзыходзячага прагрэсіўнага развіцця. 

Алег Раманаў адзначыў, што прававы аспект законапраекта вызначаецца глыбокай выверанасцю: 

— Дадзена дакладнае вызначэнне паняцця «Грамадзянская супольнасць», вызначаны суб’екты грамадзянскай супольнасці і механізмы рэалізацыі дзейнасці. 

Таксама падчас пасяджэння дзясятай сесіі Савета Рэспублікі сёмага склікання ў ходзе галасавання быў выбраны намеснік старшыні Савета Рэспублікі. Ім стаў Валерый Бельскі, нядаўна прызначаны членам Савета Рэспублікі кіраўніком дзяржавы. Па выніках тайнага галасавання сенатары аднагалосна падтрымалі ягоную кандыдатуру.

Фота: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.