У няпростых умовах надвор’я вадзіцелям і пешаходам трэба захоўваць павышаную асцярожнасць, асабліва на загарадных трасах, паведамляе БелТА са спасылкай на галоўнае упраўленне ДАІ МУС.
У ДАІ адзначылі, што сёння амаль на ўсёй тэрыторыі краіны назіраюцца неспрыяльныя ўмовы надвор’я, што ўскладняе дарожную абстаноўку. Мокры снег з дажджом прыводзіць да ўтварэння галалёдзіцы, а ападкі разам з туманам значна пагаршаюць бачнасць. У няпростых умовах надвор’я ад усіх удзельнікаў дарожнага руху патрабуюцца асаблівая асцярожнасць і павышаная ўвага.
Вадзіцелям трэба выбіраць бяспечную скорасць для руху, зыходзячы з умоў на канкрэтным участку маршруту. Неабходна памятаць, што чыстае пакрыццё можа рэзка мяняцца на абледзянелае. Трэба быць вельмі ўважлівымі пры праездзе закругленняў дарог, участкаў, якія прадзімаюцца, і пешаходных пераходаў. Усім, хто сядзіць у аўтамабілі, трэба прышпіліцца, а бяспечнай перавозцы дзяцей удзяліць павышаную ўвагу.
Пешаходам трэба абазначыць сябе святловяртальнымі элементамі ў цемнаце і ва ўмовах дрэннай бачнасці. На пешаходных пераходах не трэба ажыццяўляць пераход, пакуль усе аўтамабілі не спыняцца. У сувязі з абледзяненнем тратуараў да краю праезнай часткі неабходна набліжацца акуратна.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
