Каранавірус усё яшчэ застаецца надзвычайнай сітуацыяй у сусветнай сістэме аховы здароўя. Пра гэта заявіў генеральны дырэктар Сусветнай арганізацыі аховы здароўя (СААЗ) Тэдрас Аданам Гебрэесус, паведамляе ТАСС.
Кіраўнік СААЗ на адкрыцці штогадовага пасяджэння Выканаўчага савета арганізацыі адзначыў, што свет цяпер знаходзіцца ў лепшым становішчы, чым год таму, калі высокакантагіёзны варыянт амікрон знаходзіўся на піку развіцця. Гебрэесус тым не менш папярэдзіў, што за апошнія восем тыдняў у свеце ад COVID-19 памерлі не менш за 170 тыс. чалавек. Ён заклікаў да поўнай вакцынацыі груп рызыкі, павелічэння тэстаў, ранняга выкарыстання супрацьвірусных прэпаратаў, пашырэння сетак лабараторый і барацьбы з дэзінфармацыяй аб пандэміі.
«Мы спадзяемся, што ў гэтым годзе свет пяройдзе да новай фазы, на якой мы скароцім колькасць шпіталізацыі і смерцяў да мінімальна магчымага ўзроўню», — сказаў гендырэктар СААЗ.
Прэв’ю: pixabay.com
Крыху больш чым 2 % беларусаў ужо маюць біяметрычныя дакументы.
Адна з галоўных прыкмет, што вясна прыйшла, — змешаны з першымі водарамі акрыялай прыроды апетытны дымок.
Літаральна днямі ў населеным пункце пачнецца маштабная работа чарговага народнага патрыятычнага праекта.
Разбіраемся разам з урачом па медыцынскай прафілактыцы.
