У Салігорску затрымалі вадзіцеля, які схаваўся з месца смяротнага ДТЗ

У Салігорску затрымалі вадзіцеля, які схаваўся з месца смяротнага ДТЗ, паведамляе УУС Мінскага аблвыканкама.

Як паведамлялася раней, ДТЗ здарылася сёння каля 7:00 у Салігорску на вул. Заслонава. Паводле папярэдняй інфармацыі, кіроўца BMW на поўнай хуткасці збіў пешахода на не рэгуляваным пераходзе. 42-гадовы мясцовы жыхар загінуў на месцы ДТЗ. Пазней аўтамабіль быў знойдзены каля адной са школ горада.

Супрацоўнікі міліцыі распачалі шэраг мер для ўстанаўлення месцазнаходжання кіроўцы, і каля 17:00 29-гадовы салігарчанін быў затрыманы дома ў сяброў.

Прэв’ю: БелТА