Пасольства Беларусі ў Егіпце сумесна з егіпецкай Асацыяцыяй выпускнікоў савецкіх ВНУ правялі ўрачыстае мерапрыемства з нагоды завяршэння юбілейнага года 30-годдзя ўстанаўлення дыпламатычных адносін паміж дзвюма краінамі, паведамляе БелТА са спасылкай на пасольства Беларусі ў Егіпце.
З прывітальным словам да ўдзельнікаў звярнуліся Надзвычайны і Паўнамоцны Пасол Беларусі ў Егіпце Сяргей Цярэнцьеў, кіраўнік Асацыяцыі выпускнікоў савецкіх ВНУ Шэрыф Гэд, генеральны сакратар Асацыяцыі выпускнікоў савецкіх ВНУ Фатхі Туган і іншыя вядомыя прадстаўнікі асацыяцыі. У сваёй прамове пасол адзначыў вялікія поспехі, дасягнутыя Беларуссю і Егіптам у развіцці двухбаковых адносін у розных галінах. Асабліва была падкрэслена важная роля, якую адыгрываюць у паспяховым развіцці беларуска-егіпецкіх адносін выпускнікі савецкіх і беларускіх вышэйшых навучальных устаноў.
Падчас прыёму адбылася гутарка кіраўніка беларускага дыпламатычнага прадстаўніцтва з выпускнікамі савецкіх ВНУ. Была таксама арганізавана выстава карцін беларускай мастачкі Ірыны Саса. Фатх Туган прачытаў кароткі даклад аб беларускай літаратуры.
Акрамя таго, быў паказаны кароткаметражны фільм аб дасягненнях і славутасцях Беларусі і прадстаўлены інфармацыйныя матэрыялы аб нашай краіне.
Прэв’ю: БелТА
Найперш мінімальная выплата па бальнічным вырасце ў тры разы.
Мільён фарбаў для Віцебска.
АВЕН. На гэтым тыдні фартуна ўсміхаецца вам у многіх справах.
