У РЦАП па зімовых відах спорту «Раўбічы» пройдзе абласны этап рэспубліканскіх спаборніцтваў сярод дзяцей і падлеткаў па біятлоне «Снежны снайпер», паведамілі БелТА у прэс-службе Прэзідэнцкага спартыўнага клуба.
На спаборніцтвах выступяць больш за 270 юных спартсменаў Мінскай вобласці, якія не займаюцца біятлонам і лыжнымі гонкамі ў спецыялізаваных навучальна-спартыўных установах. Раней удзельнікі абласных стартаў сталі пераможцамі занальных спаборніцтваў Міншчыны.
Праграма спаборніцтваў будзе складацца са стральбы з пнеўматычнай вінтоўкі і лыжных гонак. Сёння ў 14.00 на старт спрынту выйшлі хлопчыкі і юнакі, у панядзелак пераможцаў і прызёраў у гэтым жа відзе праграмы вызначаць дзяўчынкі і дзяўчаты. 7 лютага ў «Раўбічах» пройдуць змешаныя эстафеты.
Рэспубліканскія спаборніцтвы сярод дзяцей і падлеткаў па біятлоне «Снежны снайпер» праводзяцца на прызы Прэзідэнцкага спартыўнага клуба. Правядзенне рэспубліканскага фіналу турніру запланавана на 17-19 лютага.
Прэв’ю: БелТА
Крыху больш чым 2 % беларусаў ужо маюць біяметрычныя дакументы.
Адна з галоўных прыкмет, што вясна прыйшла, — змешаны з першымі водарамі акрыялай прыроды апетытны дымок.
Літаральна днямі ў населеным пункце пачнецца маштабная работа чарговага народнага патрыятычнага праекта.
Разбіраемся разам з урачом па медыцынскай прафілактыцы.
