У Гродне 9 лютага адкрыецца выстава «Мірскі замак — скарб Беларусі», паведамляе БелТА са спасылкай на Гродзенскую выставачную залу.
«На выставе будуць прадстаўлены 130 фатаграфій Мірскага замка. Гэта вынік работы ўдзельнікаў заслужанага аматарскага калектыву Рэспублікі Беларусь народнага фотаклуба „Гродна“. Падчас двухдзённага фотапленэру яго ўдзельнікі зрабілі каля 3 тыс. кадраў, 1,2 тыс. былі прадастаўлены для адбору на выставу. І толькі 130, самыя цікавыя работы, патрапілі на выставу», — распавялі ў Гродзенскай выставачнай зале.
Аўтары фатаграфій, прадстаўленых на выставе, — Сяргей Барушка, Марыя Завіноўская, Аляксандр Ласмінскі, Юлія Паска, Святлана Серабракова, Мікалай Серабракоў, Сяргей Тарасюк і Ян Хведчын.
У выставачнай зале адзначылі, што экспазіцыя атрымалася вельмі аб’ёмнай і яркай. «Гэта прэзентацыя музея ў замку, які дзівіць на фотаздымках сваімі ўнікальнымі заламі, экспанатамі і артэфактамі. Фотамастакі імкнуліся паказаць усё самае цікавае, у тым ліку і работу беларускіх рэстаўратараў, якія прыкладалі ўсе намаганні, каб захаваць аўтэнтычнасць. Выстава адназначна будзе цікавай кожнаму, бо Мірскі замак, унікальны помнік XVI стагоддзя, унесены ў спіс Сусветнай спадчыны ЮНЕСКА, — гэта сапраўдны архітэктурны скарб нашай краіны», — дадалі там.
Адкрыццё выставы па выніках фотапленэру «Мірскі замак — скарб Беларусі» адбудзецца 9 лютага ў 17.30 у Гродзенскай выставачнай зале па вул. Ажэшкі, 38. Экспазіцыя будзе працаваць да 5 сакавіка.
Прэв’ю: БелТА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.