Вы тут

На Гомельшчыне ДАІ вядзе штодзённы маніторынг бяспечнага стану дарог


Супрацоўнікамі Дзяржаўтаінспекцыі Гомельскай вобласці штодзень ажыццяўляецца маніторынг стану вулічна-дарожнай сеткі з мэтай выяўлення недахопаў і парушэнняў правіл утрымання. На асаблівым кантролі — вызначэнне крытычных дэфектаў дарожнага пакрыцця, недапушчальных для гарантавання бяспекі дарожнага руху.


Як адзначылі ва ўпраўленні ДАІ Гомельскага аблвыканкама, падчас маніторынгу толькі за перыяд з 24 студзеня па 1 лютага на тэрыторыі Гомельскай вобласці было выяўлена больш за 250 участкаў з дэфектамі дарожнага пакрыцця, якія недапушчальны па патрабаваннях тэхнічных нарматыўных прававых актаў. У мэтах ухілення выяўленых недахопаў на адрас балансатрымальнікаў вулічна-дарожнай сеткі Гомельскай вобласці выдадзена 91 прадпісанне. За наяўнасць крытычных дэфектаў у дарожным пакрыцці ў выглядзе выбоін, недапушчальных па ўмовах гарантавання бяспекі дарожнага руху, у адносінах да службовых асоб дарожных і камунальных арганізацый складзена 25 адміністрацыйных матэрыялаў па артыкуле 18.32 Кодэкса аб адміністрацыйных правапарушэннях Рэспублікі Беларусь.

У сэрцы рэгіёна — Гомелі — дарожнае пытанне на асаблівым кантролі кіраўніцтва гарвыканкама. Інфармацыю, у тым ліку, аб неабходнасці ямачнага рамонту на розных участках вуліц абласнога цэнтра цяпер гамяльчане могуць дасылаць у чат-бот. Гэта новы фармат зваротнай сувязі з жыхарамі горада старшыні Гомельскага гарвыканкама Уладзіміра Прывалава. Праз месенджар гамяльчане могуць атрымаць і дакладную інфармацыю аб стане дарожнай гаспадаркі горада і бягучых рамонтах дарожнай сеткі.

Так, з пачатку зімовага перыяду дарожнымі службамі Гомеля выканана звыш 630 метраў квадратных ямачнага рамонту асфальтабетоннага пакрыцця гарадскіх вуліц. Каля 380 метраў квадратных дарожнага палатна былі адрамантаваны ўжо у бягучым годзе. Праводзіць работы Гомельскі гарадскі дарожны будаўніча-рамонтны трэст. У абнаўленні дарожнай гаспадаркі горада задзейнічаны пяць мабільных рамонтных брыгад. Асаблівая ўвага вуліцам з рухам грамадскага транспарту. Тым не менш, неабходную ўвагу дарожнікі надаюць другарадным вуліцам і ўездам на дваровыя тэрыторыі.

Між тым на мінулым тыдні праблемам добраўпарадкавання тэрыторыі абласнога цэнтра, аператыўнага абслугоўвання і ўтрымання дарог была прысвечана сустрэча памочніка Прэзідэнта Рэспублікі Беларусь — інспектара па Гомельскай вобласці Сяргея Барташа з калектывам гомельскага прадпрыемства «ГарСАП», якое спецыялізуецца на добраўпарадкаванні гарадскіх вуліц.

Памочнік Прэзідэнта — інспектар па Гомельскай вобласці паставіў задачу перад дарожнымі службамі Гомеля павысіць аператыўнасць і якасць утрымання праезнай часткі і тратуараў як найбольш складаных у тэхнічным плане ўчасткаў. На гэты год узгоднена праграма па абнаўленні парка тэхнікі. Плануецца набыць 15 высокапрадукцыйных машын для абслугоўвання дарожнай сеткі горада.

Наталля КАПРЫЛЕНКА

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».