На якія прадукты варта звярнуць увагу, калі ўзніклі праблемы са скурай, валасамі, зрокам, СКТ? Якія дапамогуць рэгуляваць ціск, дадаць бадзёрасці, палепшыць сон, настрой, знізіць ціск, наадварот, палепшыць апетыт? Пра гэта я папрасіла расказаць кіраўніка Мінскага гарадскога цэнтра здароўя ўрача-валеолага Сняжану Каўрыга.
— Каб сябе добра адчуваць і мець прыгожую знешнасць, неабходна прытрымлівацца асноўных законаў рацыянальнага харчавання, — падкрэслівае Сняжана Віктараўна. — Яно павінна быць разнастайным, збалансаваным, улічваць індывідуальныя перавагі і асаблівасці. Вельмі важнае значэнне мае рэжым — есці трэба мінімум тры разы на дзень, пажадана ў адзін і той жа час.
Для скуры
Каб скура была чыстай і гладкай, абавязкова трэба ўключаць у сваё меню багатую клятчаткай і вітамінамі В і С садавіну, ягады, гародніну, зеляніну. Аранжавыя і чырвоныя плады прадухіляюць недахоп бэта-караціну і вітаміну А; авакада і бананы абараняюць ад дэфіцыту меланіну; хурма, зялёныя яблыкі і гранаты спрыяюць выпрацоўцы гемаглабіну.
Таксама ў рацыён трэба ўключаць цэльназерневыя крупы, макароны з цвёрдых гатункаў пшаніцы, буры рыс, чорны хлеб. Неабходны арэхі — крыніца Амега-3 тлустых кіслот, меланіну, вітаміну Е; рыба і морапрадукты — крыніца бялку, меланіну, цынку, вітамінаў групы В, Амега-3 тлустых кіслот. Пойдуць на карысць нашай скуры нятлустыя гатункі ялавічыны і свініны, якія папаўняюць арганізм бялком, жалезам, вітамінам А, а таксама кісламалочныя прадукты (сыр, тварог, ёгурт, кефір), крыніца бялка і кальцыю.
Для валасоў
Каб валасы былі пышнымі і бліскучымі, важна прытрымлівацца харчавання, каларыйнасць якога складае 1800 ккал у дзень (гэта лічыцца нормай для дарослага чалавека) і якое ўключае ў сябе бялок, клятчатку, тлушчы, усю групу вітамінаў А, В, С, Д, Е, жалеза, цынк, антыаксіданты, фолевую кіслату, Амега-3 тлустыя кіслоты. Жорсткія дыеты дрэнна ўплываюць на якасць валасоў: яны радзеюць, становяцца ломкімі, губляюць бляск.
Для зроку
Каб захаваць добрым зрок, трэба рэгулярна ўжываць моркву, шпінат, рыбу, рыбін тлушч, зеляніну, абрыкосы, фасолю, цытрусавыя, а яшчэ лепш — спалучэнні гэтых прадуктаў.
Для салодкага сну
Спрыяюць засынанню аўсяная каша, адварныя яйкі, міндаль. Гэтым прадуктам варта аддаць перавагу на вячэру. А ад тлустай, вострай, мучной ежы, алкаголю і кавы варта адмовіцца. Некаторым дапамагае хутка заснуць цёплае малако з мёдам, але гэта строга індывідуальна.
— Для паўнавартаснага начнога адпачынку мае значэнне і атрыманая напярэдадні інфармацыя, — адзначае Сняжана Каўрыга. — Тое, што мы глядзім і чытаем перад тым, як легчы ў ложак, часта негатыўна ўплывае на якасць сну. Нагружаны інфармацыйным смеццем мозг працягвае яго перапрацоўваць, і ў выніку раніцай мы прачынаемся стомленымі.
Перад адыходам да сну варта паслухаць музыку, якая дапаможа зняць напружанне, пагуляць на свежым паветры, пачытаць добры мастацкі твор, супакоіцца і настроіцца на адпачынак.
Лёгка пазбаўляемся ад непатрэбнага
Каб наладзіць рэгулярны стул, трэба абавязкова ўключаць у рацыён клятчатку — 30-40 грамаў у суткі. Кішачнік любіць рэгулярнасць прыёмаў ежы (3-4 разы на дзень) і спакойную абстаноўку падчас харчавання.
Добрай працы СКТ спрыяюць раслінныя алеі, сокі з гародніны, кефір, рассыпістыя кашы з сухафруктамі, садавіна, супы. Пажадана адмовіцца ці звесці да мінімуму смажанае, вэнджанае, кансерваванае.
Рэгулюем апетыт
Дадаць бадзёрасці
За бадзёрасць адказваюць вугляводы (хлеб, бульба, макароны, крупы, прысмакі, садавіна), а таксама арэхі (фундук, фісташкі, міндаль) і спецыі (карыца, кардамон, імбір, чырвоны перац).
Знізіць або павысіць ціск
Палепшыць настрой
Для выпрацоўкі сератаніну (асноўнага гармону, які адказвае за наш настрой) патрэбны магній і цынк, вітаміны, амінакіслоты, вугляводы. Іх крыніца — арэхі, бананы, сыры, рыба, какава, яйкі, фасоля.
Вельмі важнае значэнне мае абстаноўка, у якой вы прымаеце ежу, сервіроўка стала. Абрус і посуд пераважней выбіраць цёплых таноў ці белага колеру.
Арганізм аддзячыць
Важна памятаць пра ваду. Яе недахоп адбіваецца на скуры, настроі, рабоце СКТ, апетыце. Аб’ём спажыванай вадкасці вылічваецца з формулы: «30 мл на 1 кг вагі». Пры хранічных захворваннях сардэчна-сасудзістай або мочавыдзяляльнай сістэм нельга піць больш за 1, 5 літра вады. Калі займаецеся спортам, колькасць вадкасці можа быць і большай за 2, 5-3 літры.
Вольга ПАКЛОНСКАЯ
Фота прадастаўлена гераіняй
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
