Вы тут

Мастацкі кіраўнік тэатра імя М. Горкага Сяргей Кавальчык адзначаны за ўвагу да творчасці Дастаеўскага


Памятны медаль Міністэрства культуры Расійскай Федэрацыі «Вялікі рускі пісьменнік Ф. М. Дастаеўскі 1821-2021» беларускі рэжысёр і мастацкі кіраўнік тэатра атрымаў з рук Старшага дарадцы Пасольства Расійскай Федэрацыі ў Рэспубліцы Беларусь Уладзіміра Ваньке, паведамляецца на сайце тэатра. Варта адзначыць, што тэатр не першы раз за апошнія гады звяртаецца да творчасці Дастаеўскага. 


У прыватнасці, напрыканцы 2021 года (калі адзначалася 200-годдзе пісьменніка, род якога мае дачыненне да земляў цяперашняй Беларусі) у рэпертуары тэатра з’явіўся «містычны дэтэктыў» «Браты Карамазавы». Мастацкі кіраўнік тэатра заслужаны дзеяч мастацтваў Беларусі Сяргей Кавальчык значыцца аўтарам інсцэніроўкі разам з народнай артысткай Беларусі Вольгай Клебановіч, якая выступіла яшчэ і рэжысёрам. Гэты спектакль браў удзел у тэатральных фестывалях у Расійскай Федэрацыі, прадстаўляючы Беларусь. На гэтым гісторыя «Дастаеўскі на сцэне Беларусі» не скончылася. Ужо 9 лютага на сцэне тэатра імя Горкага адбудзецца чарговая прэм’ера паводле Дастаеўскага — «Ідыёт». Гэта сербска-беларускі сумесны праект, рэжысёры-пастаноўшчыкі Стэва і Івана Жыган. «І драма, і камедыя» — так вызначылі жанр спектакля стваральнікі. 

Творы Дастаеўскага, пісьменніка, для якога ўсё ж найважнейшымі былі агульначалавечыя каштоўнасці, не губляюць актуальнасці і сёння.

Ларыса ЦІМОШЫК

Прэв’ю: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».