Вы тут

Анонс часопіса «Алеся» — люты


Любоў Чаркашына: «Мой стыль жыцця — не факусавацца на дрэнным»

— Я вельмі люблю змену карцінкі. Мне складана, калі я заседжваюся на адным месцы. Аднаго-двух дзён цалкам дастаткова, каб пабыць дома і прыйсці ў норму. А далей зноў пачынаецца рух, — прызнаецца заслужаны майстар спорту Беларусі, алімпійская чэмпіёнка, грамадскі дзеяч Любоў Чаркашына
У інтэрв’ю «Алесі» яна расказала аб тым, як паспявае спраўляцца са сваімі шматлікімі абавязкамі, чаму захацела паспрабаваць сябе на тэлебачанні, чаго патрабуе ад сваіх выхаванцаў як трэнер. А яшчэ распавяла аб сакрэтах сямейнага шчасця і аб тым, што дазваляе ёй заўсёды заставацца энергічнай, пазітыўнай і прывабнай?


Па законах гульні

Да прыгожай даты, якую Алена Стацэнка адзначае 18 лютага, яна падышла ў цудоўнай творчай форме. За 20 год у Нацыянальным акадэмічным драматычным тэатры імя М. Горкага яна «прымерыла» на сябе самыя розныя характары і вобразы: казачных герояў, англійскіх лэдзі і французскіх мадам, багатых спадчынніц і пакаёвак-служанак, неспакушаных, наіўных манашак і эмансіпаваных сучасніц. І ўсе яны ў яе выкананні запамінаюцца дзякуючы яркай харызме і акцёрскай індывідуальнасці. 

Як мастацтва дапамагае ў жыцці, а жыццё ўзбагачае мастацтва? У якой якасці яна жадае сябе паспрабаваць і чаму марыць навучыцца? Ці лёгка ёй заплакаць на сцэне і чаму любіць пасмяяцца перад спектаклем? Пра творчасць, крызіс сярэдняга ўзросту, каханне, сяброўства і падарожжы актрыса Алена Стацэнка шчыра распавяла чытачам «Алесі». 


«Я выбрала жыццё» 

Гісторыя Веранікі Супрун нікога не пакіне абыякавым. Гэта маладая дзяўчына перамагла чацвёртую стадыю раку, навучылася любіць сябе і радавацца кожнаму дню. Сёння Вераніка дзеліцца сваім досведам: прыязджае ў бальніцу і разам з хворымі дзецьмі здымае трэнды ў «Цік-Току». Так яны разам вучацца правільна ставіцца да хваробы і лячэння, не баяцца быць у соцыуме. Яшчэ падчас хваробы Вераніка здзейсніла сваю дзіцячую мару — стала фотамадэллю, а летась нечакана сустрэла сваё каханне па імені Назар. 


Прагрэсіўныя акуляры і начныя лінзы для новага зроку 

XXI стагоддзе кардынальна змяніла нашу паўсядзённасць — яе ўжо немагчыма ўявіць без кампутара і разнастайных гаджэтаў. Як адбілася лічбавая эпоха на нашым зроку? Што такое прагрэсіўныя акуляры? Чаму спецыялісты ўсё часцей рэкамендуюць начное нашэнне лінз? На гэтыя і іншыя пытанні адказвае доктар медыцынскіх навук, прафесар кафедры афтальмалогіі БелМАПА Вікторыя Красільнікава.


Як расказаць пра гэта правільна?

Сучасныя, адукаваныя бацькі і сёння часам адчуваюць няёмкасць, абмяркоўваючы з сынамі і дочкамі інтымны бок жыцця. Як рабіць гэта правільна? На што трэба звяртаць увагу, каб фармаваць у нашчадкаў здаровую сэксуальнасць? Чаму важна распрацаваць сістэму палавога выхавання ад дзіцячых садоў да ВНУ? Абмяркоўваем гэта з псіхолагам Таццянай Шаранда.


У чым пойдзем вясну сустракаць? 

Сіноптыкі прагназуюць сёлета ранні надыход цёплых дзён. Гэта значыць, што прыйшоў час паклапаціцца пра стыльныя акцэнты нашага гардэроба. А пакольку асновай моднага жаночага вобраза сёння ўсё часцей становяцца штаны, то «Алеся» пацікавілася, якія штаны гэтай вясной раяць насіць дызайнеры топавых модных дамоў.

Вольга АЛЯКСАНДРАВА (ПАКЛОНСКАЯ)

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.