У райцэнтры Ушачы шырыцца сапраўдная мода на здаровы лад жыцця — усё больш жыхароў далучаюцца да заняткаў скандынаўскай хадзьбой. Пачаў гэтую традыцыю яшчэ сем гадоў таму мясцовы тэрытарыяльны цэнтр сацыяльнага абслугоўвання насельніцтва. У ім па ініцыятыве загадчыка аддзялення цэнтра Таццяны Шышко арганізаваўся гурток аматараў здаровага ладу жыцця, якія, нягледзячы на паважаны ўзрост, хочуць быць у добрай форме. Гурток назвалі красамоўна — «Сцяжына здароўя». Цяпер кожны дзень не толькі сябры «Сцяжыны», але і іншыя жыхары накіроўваюцца на лясныя загарадныя дарожкі (лес побач з гарпасёлкам), адмерваюць свае пяць—сем кіламетраў, дыхаюць свежым хваёвым паветрам. Мне пашанцавала ўбачыць і зрабіць фота групы бадзёрых ушачанак, якія выпраўляліся па сваім здаровым маршруце.
Анатоль КЛЯШЧУК
Фота аўтара
Крыху больш чым 2 % беларусаў ужо маюць біяметрычныя дакументы.
Адна з галоўных прыкмет, што вясна прыйшла, — змешаны з першымі водарамі акрыялай прыроды апетытны дымок.
Літаральна днямі ў населеным пункце пачнецца маштабная работа чарговага народнага патрыятычнага праекта.
Разбіраемся разам з урачом па медыцынскай прафілактыцы.
