Вы тут

Чупрыс: Усебеларускі народны сход пройдзе ў канцы красавіка 2024 года


Усебеларускі народны сход пройдзе ў канцы красавіка 2024 года, паведаміла намеснік кіраўніка Адміністрацыі Прэзідэнта Беларусі Вольга Чупрыс, адказваючы на пытанні журналістаў перад калегіяй Міністэрства юстыцыі, перадае БелТА.


Фота: БелТА.

«У канцы красавіка 2024 года павінен быць скліканы першы Усебеларускі народны сход па тых правілах, якія названы ў нормах Канстытуцыі і законе аб УНС», — сказала Вольга Чупрыс.

Як паведамлялася, Прэзідэнт Беларусі Аляксандр Лукашэнка падпісаў закон «Аб Усебеларускім народным сходзе». Маштабнасць паўнамоцтваў сходу прадугледжвае і асаблівы характар яго рашэнняў. Рашэнні УНС прымаюцца большасцю ад поўнага складу, з’яўляюцца абавязковымі для выканання і могуць адмяняць прававыя акты, іншыя рашэнні дзяржорганаў, якія супярэчаць інтарэсам нацыянальнай бяспекі.

Для забеспячэння дзейнасці УНС плануецца стварыць Прэзідыум (пастаянна дзеючы калегіяльны орган для аператыўнага вырашэння пытанняў, што ўваходзяць у кампетэнцыю УНС) і Сакратарыят (рабочы орган УНС). Колькасць Прэзідыума — 15 чалавек. Старшыня УНС, яго намеснікі, іншыя члены Прэзідыума выбіраюцца на першым пасяджэнні УНС са складу яго дэлегатаў.

Старшыня УНС і яго намеснікі ажыццяўляюць свае паўнамоцтвы на прафесійнай аснове, іншыя дэлегаты — без адрыву ад працоўнай дзейнасці.

Пасяджэнні УНС праводзяцца не радзей за адзін раз у год. Пасяджэнні Прэзідыума УНС — не радзей за адзін раз у 6 месяцаў.

Рэалізацыя закона надасць новы імпульс дзяржаўнаму развіццю. УНС, сфарміраваны на дэмакратычных пачатках, будзе выконваць стабілізуючую і кансалідуючую функцыі ў грамадстве.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.