З моманту ўключэння першага энергаблока БелАЭС у энергасістэму выпрацавана 11,7 млрд кВт.г. Аб гэтым заявіў прэм’ер-міністр Беларусі Раман Галоўчанка падчас сустрэчы з генеральным дырэктарам дзяржкарпарацыі «Расатам» Аляксеем Ліхачовым, перадае БелТА.
Па словах Рамана Галоўчанка, у лістападзе мінулага года на палях форуму «Атамэкспа» у Сочы падпісана міжурадавае пагадненне аб абыходжанні з адпрацаваным ядзерным палівам. У Беларусі ў цяперашні час праводзіцца адпаведная працэдура яго ратыфікацыі
«Што датычыцца сумеснага праекта па атамнай станцыі, з моманту нашай мінулай сустрэчы ў жніўні 2022 года адбылося нямала пазітыўных падзей у яго рэалізацыі. 9 лістапада 2022 года першы энергаблок уключаны ў сетку і ўстойліва працуе на намінальнай магутнасці. Летась было выпрацавана 4,69 млрд кВт.г, што дазволіла нашай краіне сэканоміць значную колькасць спажытага прыроднага газу. З моманту яго ўключэння ў аб’яднаную энергасістэму (3 лістапада 2020 года. — Заўв. БелТА) выпрацавана практычна 11,7 млрд кВт.г», — расказаў прэм’ер-міністр.
Ідуць работы па другім энергаблоку. «Рэалізуюцца ўсе мерапрыемствы этапу фізічнага пуску. Спадзяёмся, што першае ўключэнне ў сетку адбудзецца ў сакавіку гэтага года з выхадам на этап энергетычнага пуску. Рады, што ўсё ідзе ў планавым парадку», — паведаміў кіраўнік беларускага ўрада.
Ён адзначыў, што пытанні БелАЭС прыцягваюць вялікую ўвагу грамадства. «Мы фіксуем, што ў краіне гэта адна з важных і пазітыўных інфармацыйных падстаў, у адрозненне ад крытыканаў, якія знаходзяцца за мяжой», — звярнуў увагу прэм’ер-міністр.
У сваю чаргу Аляксей Ліхачоў канстатаваў, што першы энергаблок — гэта першы ў свеце блок пакалення 3+, пабудаваны па экспартнай тэхналогіі. «Вы ўсё сказалі пра першы блок дакладна. Мы выканалі ўсе свае абавязацельствы. Што тычыцца блока нумар два, у снежні мінулага года, у адпаведнасці з вашымі даручэннямі, перайшлі да этапу фізічнага пуску, паліва загружана. Чакаем адпаведнага рашэння рэгулятара, каб пачаць выходзіць на магутнасць і прывесці блок да тэхнічнай эксплуатацыі. У нас вялікія перспектывы ў сувязі з пашырэннем узаемадзеяння ў сферы атамнай энергетыкі», — падкрэсліў ён.
Фота БелТА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.