Калі гуляеш па Верхняму гораду так ці інакш звяртаеш увагу на цікавы будынак, які цудоўна ўпісваецца ў архітэктуру гістарычнага цэнтра сталіцы. Размова ідзе аб былой гарадской сядзібе XVIII стагоддзя з прыбудовай, у якой зараз размяшчаецца мастацкая галерэя Міхаіла Андрэевіча Савіцкага.
У новым статусе яна ўпершыню адчыніла свае дзверы для наведвальнікаў 7 верасня 2012 года. Асаблівасць музея ў тым, што тут размешчана і мастацкая галерэя беларускага мастака, і экспазіцыя, звязаная з гісторыяй сядзібы.
Пад мастацкую галерэю адведзена дзесяць залаў на другім паверсе. У іх прадстаўлена больш за 1000 экспанатаў, якія ахопліваюць асноўныя этапы творчасці Савіцкага. Таксама тут ёсць рэканструкцыя інтэр’ера майстэрні і рабочага кабінета мастака.
Чатыры залы на першым паверсе музея адведзены пад рэканструкцыю гістарычных інтэр’ераў жылых памяшканняў сядзібнага дома. Наведвальнікі могуць пабываць у гасцінных, кабінеце і тагачаснай бібліятэцы.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
