Для многіх купля літра малака — працэс не тое што будзённы, але і шмат у чым захапляльны, пазнавальны і нават павучальны. Цікавіць не толькі пошук нейкіх звестак на ўпакоўцы, накшталт працэнтнага ўтрымання тлушчаў, бялкоў, тэрміну прыдатнасці. Гэты працэс нашмат больш складаны. Сучасны пакупнік-спажывец хоча ведаць, дзе пасвіліся каровы, якія далі гэты прадукт, чым яны харчаваліся, ці атрымлівалі гармоны росту, якія антыбіётыкі прымяняліся пры іх лячэнні, ці з'яўляецца гэтае малако сапраўды арганічным... Пытанняў шмат. А цяпер уявіце: ці могуць касіры ў супермаркеце ці прадаўцы-кансультанты задаволіць ваш інтарэс?
Думаю, пытанне рытарычнае.
А таму давайце пройдземся па найбуйнейшых сталічных сельгасрынках.
Кожны дзень рынкі наведваюць тысячы чалавек. І кожны раз у іх узнікае пытанне: а які лепш наведаць? дзе будзе танней? дзе больш якасная прадукцыя? дзе можна нармальна прыпаркаваць аўтамабіль? дзе пакінуць малых дзяцей, пакуль самі будзем хадзіць між гандлёвых радоў?.. Давайце разбірацца разам. Тут, сярод іншага, мы раскажам, пачым капуста з паляндвіцай на Камароўцы, якую навінку завезлі ў «Валяр'янава» і што за гандлёвы цэнтр з рынкам адкрыецца ў Сеніцы ўжо гэтым летам.
Камароўскі рынак — галоўнае харчовае «аблічча» сталіцы. Сюды штодня прыходзяць мінчане ў пошуку свежых прадуктаў і сыходзяць з поўнымі пакетамі гародніны, садавіны і мяса. І мы не выключэнне! Карэспандэнт «Звязды» наведаў і ацаніў асартымент і цэны на гародніну, садавіну, мяса, тварог, сметанковае масла і сыры на галоўным харчовым рынку краіны. Сёння тут, як заўжды, дастатак свежай садавіны, гародніны і зеляніны, мяса, тварагу і сыроў.
На Камароўцы вялікі выбар мандарынаў, хурмы, апельсінаў, а таксама яблыкаў і груш. Такім чынам, набыць садавіну на Камароўцы сёння можна па такіх цэнах: зялёны вінаград — за 3,50 рубля, цёмны — за 4 рублі, лімоны — за 5,50 рубля, апельсіны — за 6,50 рубля, мандарыны — за 10,99 рубля, гранат — за 6—8 рублёў за кілаграм, хурму — за 4,50 рубля, авакада (1 штука) — 5 рублёў, ківі — за 1,99—5,50 рубля, грэцкі арэх — за 11 рублёў, фундук — за 15 рублёў.
На гэтым тыдні цэны на грушы ўпалі. Сёння кілаграм груш сорту «Бэра мядовая» можна набыць не за 6,99, а за 6 рублёў. Кілаграм беларускіх яблыкаў сорту «Лігаль кавуновы» і «Мядовае храбусценне», як і раней, можна купіць за 2,50 рубля. Таксама на рынку можна купіць журавіны па 9-10 рублёў за кілаграм, а таксама заморскую ягаду фейхоа — па 6,50 рубля, а вось яе ж, але адборную, значна даражэй — за 35 рублёў.
Свежай гародніны на Камароўцы хапае. Праўда, на гэтым тыдні цэны на папулярныя агуркі і памідоры не радуюць: свежыя агуркі сёння прапануюць набыць па 8,99?9,90 рубля за кілаграм, а памідоры — па 8,99 рубля (Азербайджан), беларускія — па 7,99 рубля, чырвоныя «Чэры» — па 9,99 рубля, а жоўтыя «Чэры» і зусім за 14,99 рубля.
Цэны на іншую папулярную гародніну на Камароўцы выглядаюць так: белакачанная капуста — 1,50 рубля за кілаграм, морква — 2 рублі, буракі — за 2 рублі, цыбуля рэпчатая — 2 рублі, бульба сорту «Гала» і «Каралева Ганна» — за 1,50 рубля, перац салодкі — 4,50 рубля, кабачок — 3,50 рубля.
Таксама на адкрытай частцы рынку прадаўцы прапануюць набыць розныя саленні. Так, кілаграм морквы «Па-карэйску», капусты «Правансаль рэзкай з часнаком» і марынаванай капусты з балгарскім перцам абыдзецца ў 12 рублёў, а капусты квашанай (без воцату і цукру) — у 10 рублёў.
Як заўсёды, на Камароўцы багата зеляніны. Сто грамаў кропу і пятрушкі можна набыць за 1,20 рубля, цыбулі — за 1,50 рубля, базіліку — за 6,50 рубля, кінзы — за 2,50 рубля, шпінату — за 2 рублі, а рукалы — за 3,50 рубля.
На рынку можна набыць свежае мяса: свініну, ялавічыну, цяляціну, бараніну, а таксама мяса птушкі. Так, кілаграм свіной шыі абыдзецца ў 19 рублёў, кумпяк — у 14 рублёў, а паляндвіца — 18 рублёў за кілаграм. Кілаграм ялавічнага кумпяка можна набыць за 26 рублёў, выразкі — за 38—40 рублёў, паляндвіцу — за 28 рублёў, лапаткі — за 27 рублёў, а шыі — за 24—27 рублёў.
Кілаграм хатняй курыцы можна набыць за 18—20 рублёў, куранят — за 28 рублёў, трусоў — за 18 рублёў, качак і гусей — за 20 рублёў, перапёлак — за 35 рублёў, а індычку — за 18 рублёў.
Таксама на рынку — вялікі выбар хатняга тварагу, сметанковага масла, сыроў і смятаны. Так, найсвяжэйшы тваражок прадаўцы прапануюць купіць па 14 рублёў за кілаграм, смятаны — за 12 рублёў, сметанковага масла — па 28 рублёў, сыру («Мацарэла» і «Па-балгарску») — за 35 рублёў, а клінковага і з кменам значна танней — за 20—25 рублёў.
Рынак «Валяр'янава» — адзін з самых маладых і, мабыць, перспектыўных. Ён размешчаны недалёка ад сталіцы — у вёсцы Валяр'янава. Гэта палепшаны фармат гандлю, які пакуль мала дзе ёсць сёння ў нашай краіне. «Валяр'янава» і рынкам назваць неяк складана. Гэта, хутчэй, вялікі гандлёвы цэнтр з прасторнымі і светлымі павільёнамі, дзе рэалізоўваюць свой тавар фермеры, рамеснікі і беларускія прадпрыемствы.
Тым часам на рынак прывезлі ўнікальную чорную ікру ад казахстанскага брэнда Premіum Qazaq. Гэты каштоўны далікатэс заслугоўвае права называцца суперпрэміяльным прадуктам. І вось чаму. Ікра з'яўляецца прадуктам гібрыда 7-гадовага амурскага асятра і найкаштоўнейшай рыбы — калугі. Адсюль і яе буйны памер у 3,6 міліметра.
«Колер не цёмна-чорны, а светлаваты, трохі жаўтлявы. Ікра атрымана забойным метадам, а не метадам даення. Адсюль такая буйнасць і высокі ўзровень смакавых якасцяў. Мае сметанковы прысмак», — кажа фішмонгер крамы John Dory на фермерскім рынку «Валяр'янава» Сяргей Манчык. Па словах фішмонгера, чорная ікра ад брэнда Premіum Qazaq не пастэрызуецца, што дазваляе захаваць яе ўнікальныя смакавыя якасці. «Гэта фактычна астуджаны прадукт, тут няма кансервантаў, ёсць нязначнае дадаванне рабінавага соку для невялікага павелічэння тэрміну захоўвання. Ідэальная колькасць солі (усяго 2,8 %) дазваляе максімальна раскрыць ноты гэтага далікатэсу», — адзначае Сяргей Манчык. Каштуе бляшанка 100 грамаў 250 рублёў, 250 грамаў — 600 рублёў, а 500 грамаў — 1200 рублёў. Заўсёды свежы прывоз і заўсёды ў наяўнасці.
Гандлёвы цэнтр «Сеніца» здалёк падобны на казачны замак. Як ён выглядае знутры? Што прапануюць арандатарам і будучым наведвальнікам? Як ідуць аздобныя работы і калі можна будзе прыехаць па пакупкі? Мы трапілі ўнутр гандлёвага цэнтра і даведаліся падрабязнасці.
Якарны арандатар — дробнааптовы і рознічны дыскаўнтар
Звонку гандлёвы цэнтр выглядае практычна завершаным. Светлая абліцоўка сцен, узорыстая чарапіца на даху, вежкі з флюгерамі і зубчыкі на франтонах, вялікая колькасць вокнаў — будынак глядзіцца эфектна.
Уражваюць і яго памеры: тэрыторыя гандлёвага цэнтра займае 10 гектараў. Зараз на вуліцы няма будаўнікоў, усе работы вядуцца ўнутры.
Гандлёвыя памяшканні размешчаны на першым паверсе: пакупнікам не прыйдзецца тоўпіцца на лесвіцах і эскалатарах, а прадаўцам не трэба будзе вырашаць дадатковыя лагістычныя праблемы.
Якарным арандатарам стане дробнааптовы і рознічны дыскаўнтар плошчай 2700 квадратных метраў. Тут можна будзе купіць прадукты адразу на тыдзень ці на месяц: напрыклад, назапасіцца крупамі, прысмакамі, таварамі для дзяцей.
У гандлёвым цэнтры будзе аддзяленне «БСБ Банка» са спецыяльным сховішчам, дзе можна будзе арандаваць банкаўскую ячэйку. Для арандатараў плошчаў прадуманы ўсе ўмовы: размяшчэнне побач з МКАД і чатырохпалосны пад'езд непасрэдна да гандлёвага цэнтра; паркоўка на 1500 машынамесцаў; зона разгрузкі, абсталяваная ўраўняльнымі платформамі з герметызатарам праёму; магчымасць разгрузкі з нулявога ўзроўню; складскія памяшканні ад 10 да 1000 квадратных метраў; водазабеспячэнне, каналізацыя, сістэма прытокава-выцяжной вентыляцыі; магутныя электрасеткі.
Паўднёвай частцы Мінска і найбліжэйшым прыгарадам не хапае гандлёвых цэнтраў: сюды будуць прыязджаць жыхары Курасоўшчыны, Лошыцы, навасельцы шматтысячнага раёна «Мінск Мір». У гэты бок пракладваецца Зеленалужская лінія метро, а значыць, насельніцтва і попыт будуць расці.
Для пакупнікоў будзе распрацавана спецыяльная карта «Сеніца» з бонуснымі і дысконтнымі праграмамі. Гэта зручна для тых, хто хоча купляць усё ў адным месцы.
Каб сюды ехалі не толькі па пакупкі, у гандлёвым цэнтры паставяць сцэну, будуць ладзіць мерапрыемствы, арганізоўваць гульнявыя праграмы для сем'яў з дзецьмі, выступленні кавер-груп.
— Нашы продкі ездзілі на кірмашы не толькі па пакупкі, але і па ўражанні. Не спяшаючыся, хадзілі паміж гандлёвых радоў, сустракаліся з сябрамі і знаёмымі, елі смачную ежу. Мы хочам, каб нашы пакупнікі з'язджалі адсюль з добрым настроем і абавязкова вярталіся, — каментуюць прадстаўнікі гандлёвага цэнтра.
Ёсць вольныя памяшканні ў гандлёвай галерэі — плошчы ад 30 да 500 квадратных метраў. Галерэя аформлена ў выглядзе старадаўняй вулачкі. Кожнае памяшканне — гэта «хатка» яркага колеру. Зенітнае асвятленне і дадатковыя ўнутраныя вокны з адкрытымі аканіцамі прапускаюць шмат натуральнага святла.
Тут могуць размясціцца аптэкі, крамы касметыкі і парфумерыі, ювелірных вырабаў, тэхнікі і электронікі, адзення, абутку, тавараў для дома. Пры афармленні шыльдаў усе арандатары змогуць звярнуцца да адзінага падрадчыка, што дазволіць стварыць у гандлёвай галерэі гарманічную атмасферу.
Побач — тэрыторыя крытага харчовага рынку з панарамнымі вокнамі, зонамі захоўвання, халадзільным абсталяваннем, постам фітасанітарнага кантролю і ветлабараторыяй. Тут можна будзе купіць фермерскія прадукты па даступных цэнах: сыры, масла, малако, свежую гародніну і садавіну, мяса, кандытарскія вырабы ручной работы. Зараз фермеры могуць выбраць і забраніраваць месца на рынку.
Шмат магчымасцяў дае плошча ў 2180 квадратных метраў побач з дыскаўнтарам. Тут добра ўпішацца забаўляльны цэнтр для дзяцей: бацькі змогуць пабыць з малымі ці пакінуць іх пад наглядам і пайсці па пакупкі.
Ёсць вольныя месцы ў арэнду на тэрыторыі нехарчовага рынку — плошчы ад 20 да 129 квадратных метраў. Таксама даступныя для арэнды месцы на фудкорце і тэрыторыя двухузроўневага рэстарана плошчай 245/550 квадратных метраў.
Яшчэ адно памяшканне для рэстарана — са стылізаванымі панарамнымі вокнамі і асобным уваходам. Плошча — 365 квадратных метраў. Тут па ўзгадненні з адміністрацыяй раёна можна адкрыць установу, якая не будзе залежаць ад рэжыму работы гандлёвага цэнтра.
На другім узроўні для арэнды даступныя офісныя памяшканні. Плошчы — ад 50 да 1000 квадратных метраў. Памяшканні будуць здавацца з чыставым аздабленнем.
Тут стане зручна буйным беларускім кампаніям, якія хочуць пашырацца, працаваць у новых, толькі што адрамантаваных памяшканнях. Суседства адзін з адным дапаможа бізнесам наладзіць камунікацыю, прыдумаць і рэалізаваць сумесныя праекты.
Адкрыццё гандлёвага цэнтра запланавана на 1 чэрвеня. Да гэтай даты яшчэ тры месяцы, але ўнутры гандлёвага цэнтра і на тэрыторыі вакол ужо ідэальна чыста. Мы бачылі работнікаў, якія мылі сцены. Не заўважылі на падлозе ні паперак, ні будаўнічага смецця. Такі адказны падыход да парадку вельмі радуе.
Данііл ХМЯЛЬНІЦКІ
Пошукавікі нярэдка звяртаюцца па дапамогу да насельніцтва.
АВЕН. На гэтым тыдні фартуна ўсміхаецца вам у многіх справах.
