Спатрэбіцца: любое лісце салаты (рукала, айсберг), мандарыны — 3–4 шт., авакада — 1 шт., чырвоная цыбуля або цыбуля-шалот — 1 шт., крэветкі (абсмажце іх з часнаком для смаку), пармезан або любы іншы цвёрды сыр — 100 г. Запраўка: аліўкавы алей — 2 ст. л., лімонны сок — 1 ст. л., мёд — 1 ч. л., гарчыца — 0,5 ст. л., дробка солі.
Абсмажце крэветкі ў алеі з часнаком да румянай скарыначкі. Затым трэба ачысціць мандарыны і парэзаць на тонкія кольцы. Вычышчанае авакада разрэзаць на долькі, цыбулю — на тонкія кольцы. Пасля гэтага можна збіраць салату.
На прыгожае вялікае блюда выкладваем кальцом зеляніну, следам раскладваем авакада, крэветкі, цыбулю. Паліваем загадзя зробленай запраўкай і ўпрыгожваем тонкімі слайсамі пармезану.
Спатрэбіцца: цеста пластовае — 500 г, грыбы шампіньёны свежыя — 180 г, курынае філе — 140 г, цыбуля рэпчатая — 2 шт, вяршкі (20–30%) — 180 мл, мука пшанічная — 0,5 ст. л., сыр надзёрты (для абсыпкі) — 100 г, соль і перац — на смак.
Цеста моцна не размарожваць, разрэзаць яго на квадрацікі памерам прыкладна 10×10 см. З паловы квадрацікаў выразаць сярэдзінку. Скласці іх парамі, адзін без сярэдзінкі, другі цэлы. Для лепшага склейвання можна прамазаць узбітым яйкам. Паставіць у духоўку і спячы да паўгатоўнасці. Грудку адварыць і парэзаць на невялікія кавалачкі.
Парэзаць цыбулю і грыбы.
Спасіраваць цыбулю на алеі, дадаць грыбы і крышку вады. Тушыць, пакуль вада не выпарыцца. Дадаць курынае філе і змяшаць.
Абсмажыць асобна муку да крэмавага колеру і змяшаць з паловай вяршкоў, выкласці сумесь у грыбы і дадаць вяршкі, якія засталіся, пасаліць і паперчыць, давесці да кіпення. Патушыць пару хвілін і крыху астудзіць.
Сярэдзінку ў «кошыках» напоўніць жульенам. Пасыпаць дзёртым сырам.
Выпякаць пры 200 градусах 10 хвілін.
Спатрэбіцца:
Для цеста: пшанічная мука — 160 г, яйкі — 2 шт., смятана тлустасцю 15-20% — 200 г, цукар — 180 г, ванілін — 2 г, сода — 1 ч. л., воцат 9% — 1 ст. л., соль — 0,25 ч. л., какава-парашок — 1 ст. л., мак — 1 ст. л., разынкі — 2 ст. л.
Для крэму: смятана тлустасцю 20% — 450 г, цукровая пудра — 3 ст. л.
У глыбокай ёмістасці злучыць яйкі, крыху солі і цукар. З дапамогай міксера ўзбіць інгрэдыенты хвілін 5 да атрымання пышнай і светлай масы. Дадаць у атрыманую сумесь смятану і змяшаць інгрэдыенты да аднастайнай кансістэнцыі з дапамогай калатоўкі.
Потым дадаць прасеяную муку, ванілін і харчовую соду, гашаную воцатам. Яшчэ раз акуратна змяшаць цеста, дабіваючыся аднастайнасці.
Падзяліць цеста на тры роўныя часткі. Дадаць у адну частку какава-парашок, у другую — сухі мак, а ў трэцюю — запараныя ў кіпені разынкі. Перамяшаць кожную частку цеста да аднастайнай кансістэнцыі.
Паступова размеркаваць усе тры віды цеста на блясе, засланай пергаментнай паперай.
Выпякаць каржы ў разагрэтай да 160 градусаў духоўцы 15 хвілін. За гэты час яны павінны павялічыцца ў аб’ёме і падрумяніцца. Астудзіце іх на рашотцы да пакаёвай тэмпературы.
Тым часам прыгатуйце крэм. У глыбокай ёмістасці змяшайце смятану і цукровую пудру да аднастайнай кансістэнцыі. Не ўзбівайце крэм, інакш ён стане вадкім.
З гатовых каржэй трэба выразаць прамавугольнікі аднолькавага памеру. Абрэзкі цеста здрабніце ў крошку, яна спатрэбіцца для ўпрыгожвання гатовага торта. На плоскае блюда вылажыце корж з разынкамі, прамажце яго крэмам.
Потым вылажыце корж з какавай, прамажце крэмам. Зверху будзе корж з макам і крэм.
Астатні крэм размяркуйце па баках і версе торта. Упрыгожце выпечку крошкай з абрэзкаў каржоў.
Гатовы торт адпраўце ў халадзільнік на 1-2 гадзіны, каб ён настаяўся.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
