Калі ўзімку трашчаць суровыя маразы, а снегу няма, садоўнік разумее, што да вясны пладовы сад наўрад ці захаваецца без страт. Але дрэвы могуць пацярпець і ў звычайную, а часам нават і ў мяккую зіму. І гэтаму ёсць некалькі прычын.
Напрыклад, лета было халодным, дажджлівым, фотасінтэз праходзіў слаба, дрэвы часта хварэлі, падвяргаліся нападзення шкоднікаў, што прывяло да заўчаснага ападання лісця, расліны не паспелі назапасіць дастаткова пажыўных рэчываў. У выніку ўсё гэта выклікала падмярзанне пладовых, нават калі зіма і не была суровай.
Што рабіць?
У прахалоднае «мокрае» лета абавязкова плануйце ахоўныя апрацоўкі фунгіцыдамі (напрыклад, «Фундазолам» або біяпрэпаратам «Фітаспарын»), а таксама інсектыцыдамі («Актара» або «Фітаверм») — 1-2 разы на месяц, строга прытрымліваючыся інструкцыі. Апошняя апрацоўка пестыцыдамі — не пазней за 20 дзён да збору ўраджаю. Правядзіце таксама пару пазакаранёвых падкормак увесну і ў першай палове лета растворам комплекснага мінеральнага ўгнаення з мікраэлементамі.
Мала таго, што ледзяная скарынка на парастках часта становіцца прычынай розных траўмаў (драпін, прарываў, расціскання кары). Яна да таго ж адыгрывае ролю павелічальнага шкла, праз якое праходзяць прамяні сонца і награваюць кару, — усё гэта ў канчатковым выніку прыводзіць да падмярзання.
Што рабіць?
Зразумець, наколькі моцна падмерзла расліна, можна па колеры кары і драўніны, зрабіўшы ў канцы зімы — пачатку вясны зрэз на шматгадовых галінах з ніжняй часткі кроны: чым цямнейшая кара на зрэзе, тым мацней пацярпела дрэва. У залежнасці ад «дыягназу» неабходна спланаваць догляд за раслінай (або прыйдзецца яе карчаваць).
Ёсць пералік абавязковых работ, якія ў разы павышаюць шанцы дрэў на паспяховую зімоўку.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
