Вы тут

Дзесяць зваротаў прыняў падчас «прамой лініі» Сяргей Барташ


Дзесяць зваротаў прыняў падчас «прамой лініі» памочнік Прэзідэнта — інспектар па Гомельскай вобласці Сяргей Барташ.


Сярод тых, хто звярнуўся па дапамогу, была жыхарка Гомеля, якую непакоіць перыядычнае падтапленне падвала ў шматкватэрным доме, дзе яна жыве. Жыллё, пабудаванае ў 1964 годзе, капітальна адрамантавалі яго амаль пяць гадоў таму. Нягледзячы на гэта, па словах заяўніцы, у падвале дома перыядычна стаіць вада. У самой кватэры чутны незразумелы стук у батарэях. За мінулы год па гэтым адрасе было 29 выклікаў са скаргамі.

— Важна, каб нашу сістэму абследавалі спецыялісты. Я ў гэтым доме жыву 55 гадоў, і ніколі раней такога не было, — звярнулася гамяльчанка.

Кампетэнтную ацэнку стану сетак у доме дадуць адказныя службы.

Свой зварот памочніку Прэзідэнта — інспектару па Гомельскай вобласці Сяргею Барташу агучыла таксама жыхарка вёскі Галавінцы Гомельскага раёна. Жанчына папрасіла звярнуць увагу на стан дарожнага пакрыцця на вуліцах населенага пункта. 

— Не можам ні праехаць, ні прайсці, — апісала абстаноўку заяўніца.

Як запэўніў памочнік Прэзідэнта — інспектар па Гомельскай вобласці, выканаць грэйдзіраванне дарожнага пакрыцця службы змогуць толькі з надыходам адпаведных умоў надвор’я.

Між тым жанчына ад імя жыхароў вёскі агучыла і яшчэ адно набалелае пытанне, якое тычыцца ўжо водазабеспячэння.

— Некалькі гадоў таму на правядзенне водаправода былі выдзелены грошы, але яны былі пераразмеркаваны. Цяпер жа нам прапануюць стварыць кааператыў і скласціся па 5 тысяч рублёў. Мы ж не можам плаціць такія грошы, а наша вада прыдатная толькі для паліву, — запэўніла заяўніца.

Гэты зварот у хуткім часе будзе дэталёва вывучаны.

Падчас прамой лініі памочніка Прэзідэнта — інспектара па Гомельскай вобласці былі агучаныя яшчэ некалькі зваротаў, якія тычыліся неналежнага стану дарог і падтаплення дачнага ўчастку. 

Фармат прамых ліній заўсёды запатрабаваны, звярнуў увагу Сяргей Барташ:

— Сёння было шмат зваротаў, якія прайшлі не адну інстанцыю. Для людзей важна пераканацца, што рашэнні па іх пытаннях прыняты правільна. І мы заўсёды імкнёмся ісці насустрач, дадаткова разгледзім кожную сітуацыю, — пракаментаваў пытанні, якія паступілі на прамую лінію памочнік Прэзідэнта — інспектар па Гомельскай вобласці.

Наталля КАПРЫЛЕНКА

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.