Вы тут

Кітай першы ў свеце па колькасці патэнтаў на вынаходніцтвы


Як паведамілі ў інфармацыйным бюро Дзяржсавета КНР, у мінулым годзе было выдадзена 798 тысяч патэнтаў на вынаходствы, перадае «Жэньмінь жыбаа» анлайн».


Колькасць патэнтаў на карысныя мадэлі склала 2,8 мільёна, колькасць патэнтаў на прамысловыя ўзоры — 721 тысячу, было прынята 74 тысяч міжнародных патэнтных заявак у адпаведнасці з дагаворам аб патэнтнай кааперацыі ( РСТ). Да канца 2022 года колькасць дзеючых патэнтаў на вынаходніцтвы ў КНР склала 4,2 мільёна, сярод іх, колькасць дзеючых патэнтаў у Кітаі (за выключэннем Сянгана, Аамэня і Тайваня) дасягнула 3,28 млн. 

Як адзначыў намеснік кіраўніка Нацыянальнага ўпраўлення інтэлектуальнай уласнасці КНР Ху Вэньхуэй, Кітай з’яўляецца першай краінай у свеце, якая мае больш чым 3 мільёны дзеючых патэнтаў на вынаходніцтвы, сярод іх колькасць патэнтаў на вынаходніцтвы з высокай каштоўнасцю перавысіла 1,3 мільёна., павялічыўшыся ў гадавым вылічэнні на 24,2 працэнта. Згодна з дакладам «Сусветныя паказчыкі інтэлектуальнай уласнасці», які быў апублікаваны Сусветнай арганізацыяй інтэлектуальнай уласнасці (WIPO), Кітай займае першае месца ў свеце па колькасці дзеючых патэнтаў на вынаходніцтвы.

Па словах Ху Вэньхуэя, да канца 2022 года ў КНР налічвалася 355 тысяч кітайскіх кампаній, якія валодаюць дзеючымі патэнтамі на вынаходніцтвы, што на 57 тысяч больш у параўнанні з 2021 годам. Колькасць дзеючых патэнтаў — 2,324 мільёна, рост — 21 працэнт. Высокатэхналагічныя прадпрыемствы, спецыялізаваныя кампаніі валодаюць 1,512 мільёна дзеючых патэнтаў. Інавацыйная здольнасць кітайскіх прадпрыемстваў увесь час умацоўваецца.

Акрамя гэтага, дадзеныя сведчаць, што тэхналагічныя інавацыі ў лічбавай вобласці становяцца больш актыўнымі. Згодна са статыстыкай у 35 тэхнічных сферах, класіфікаваных Сусветнай арганізацыяй інтэлектуальнай уласнасці, да канца 2022 года колькасць патэнтаў у галіне кіравання інфармацыйнымі і камп’ютарнымі тэхналогіямі імкліва расце. Адпаведнае павелічэнне склала 59,6 і 28,8 працэнта. У мінулым годзе колькасць патэнтаў, выдадзеных у асноўных галінах лічбавай эканомікі, склала 325 тысяч, што на 17 працэнтаў больш у параўнанні з аналагічным паказчыкам у 2021-м, патэнтны рэзерв пастаянна папаўняецца.

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».