Вы тут

Свята танцаў, альбо «музыканцікі... рэжце!»


Народныя побытавыя танцы — сапраўдны скарб нашай культуры і нездарма аматары папулярызацыі гэтага скарба часцяком збіраюцца на сяброўскія вечарынкі, каб не забываць важную традыцыю і працягваць «моду» часоў маладосці нашых матуль і бабуль. Збіраюцца, каб проста адпачыць душою, уволю павесяліцца, пазнаёміцца (г.з. знайсці сабе пару) і пакружыцца ў мудрагелістых танцавальных фігурах. Сапраўды, хто аднойчы пабываў на такіх «тусоўках», ужо не ўпусціць магчымасць зноў апынуцца ў адмысловай рэтра-атмасферы. Побытавыя танцы — гэта не проста вяртанне ў мінулае, гэта — сапраўднае свята душы! У танцы выяўляюцца эмоцыі, гармонія і пачуццё, гэта — своеасаблівая філасофія адносін да жыцця.


Вось такая неўрымслівая і святочная вечарынка адбылася нядаўна ў Міханавіцкім доме фальклору Мінскага раёна. На яе прыехалі апантаныя віртуозы танца, а таксама шчырыя музыкі, якія ведаюць безліч танцавальных мелодый і без перапынку граюць на традыцыйных народных інструментах — скрыпцы і цымбалах, гармоніку і акардэоне, на дудзе і жалейцы, кларнеце і трубе, на барабане і бубне. Нездарма, у народзе бытуе жартоўны выраз: «без скрыпкі і дуды, ногі ходзяць не туды!» Сапраўды, якая вечарынка без жывой музыкі?! Болей за чатыры гадзіны працягвалася міханавіцкая сустрэча. У такт шпаркім рытмам ногі танцораў гучна адбівалі падлогу пад «суботу» і «мяцеліцу», «лявоніху» і «гапак», вальсавалі і скакалі полькі-трасухі, кружыліся ў абэрках і ў іншых заліхвацкіх танцах. 

Анатоль КЛЯШЧУК

Фота аўтара

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.