Вы тут

Кіраўнік МЗС КНР: Стрымліванне Кітая не перашкаджае яго адраджэнню


Стрымліванне і аказанне ціску на іншых наўрад ці дапаможа Амерыцы зноў стаць вялікай, і ўжо тым больш не зможа перашкодзіць вялікаму адраджэнню Кітая, заявіў міністр замежных спраў КНР Цынь Ган, перадае «Жэньмінь жыбаа» анлайн».


На прэс-канферэнцыі ў рамках першай сесіі УСНП 14-га склікання, ён адзначыў, што дэструктыўная палітыка ЗША ў дачыненні да Кітая зусім страчвае здаровы сэнс. «ЗША заяўляюць аб жаданні выйграць канкурэнцыю ў Кітая, а не імкненні да канфлікту. Аднак, насамрэч, іх так званая «канкурэнцыя» з’яўляецца нічым іншым, як спробамі з усіх бакоў стрымаць і задушыць, гэта значыць праславутай «гульнёй з нулявой сумай», — сказаў Цінь Ган.

Цынь Ган параўнаў Кітай і ЗША з двума лёгкаатлетамі, якія ўдзельнічаюць у Алімпійскіх гульнях, дзе адзін атлет дзеля сваёй перамогі ўвесь час спрабуе падставіць падножку саперніку і нават яго траўміраваць. Гэта не сумленная канкурэнцыя, а злоснае супрацьстаянне і парушэнне правіл.

Паводле слоў Цынь Гана, амерыканская рыторыка ў выглядзе «ўстаноўкі ахоўных агародж» і «пазбягання канфлікту» насамрэч накіравана на тое, каб Кітай не даваў адпору і не рэагаваў на абразы. «Аднак, гэтаму не бываць!» — сказаў Цынь Ган.

«Калі амерыканскі бок не прытармозіць і прадоўжыць ураганны рух па памылковым шляху, то ніякія „ахоўныя агароджы“ не выратуюць кітайска-амерыканскія адносіны ад скочвання ў канфлікт», — падкрэсліў ён. Хто будзе адказваць за такія катастрафічныя наступствы, задаўся пытаннем Цынь Ган.

«Такая канкурэнцыя — гэта гульня, у якой стаўкай з’яўляюцца не толькі карэнныя інтарэсы народаў дзвюх краін, але і лёс усяго чалавецтва. Мы рашуча выступаем супраць такіх гульняў», — падкрэсліў міністр замежных спраў КНР.

«Хочаш зрабіць Амерыку зноў вялікай, трэба велікадушна прымаць і шлях развіцця іншых краін», — рэзюмаваў Цынь Ган.

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».