Вы тут

Аб'ём утварэння адходаў залежыць ад узроўню жыцця насельніцтва і эканомікі


Аб'ём утварэння адходаў залежыць найперш не ад таго, якім чынам іх збіраюць, а ад узроўню жыцця насельніцтва і эканамічнага развіцця краіны. Чым вышэйшы дабрабыт, тым больш адходаў утвараецца. Прычым узрастае якраз-такі аб'ём палімерных адходаў, а арганічных — меншае, упэўнены Іван Бараноўскі, намеснік дырэктара Інстытута жыллёва-камунальнай гаспадаркі НАН Беларусі:


Фота аўтара.

— У краме людзі набываюць гатовыя харчы ў прыгожай упакоўцы. І яна імгненна становіцца адходамі, як толькі ежа ўжытая. Папяровых адходаў становіцца менш, бо друкаваныя рэсурсы ў многім замяніў інтэрнэт. Тым не менш каля 450 тысяч тон паперы і кардону ў Беларусі штогод ствараецца.

Высокі працэнт збору і шкла, асабліва пасля ўводу ў 2020 годзе прынцыпу пашыранай адказнасці вытворцаў і пастаўшчыкоў для асобных відаў тавараў. Механізм яго дзеяння мае на мэце павелічэнне памеру платы для вытворцаў і пастаўшчыкоў пластыкавай тары і зніжэнне такой платы для тых, хто пастаўляе і вырабляе экабяспечную ўпакоўку. Дзякуючы такому механізму эканамічнага стымулявання збор другасных матэрыяльных рэсурсаў (ДМР) у Беларусі павялічыўся ў разы.

Згодна з законам, уласнік адходаў — чалавек, які іх стварыў. Як толькі смецце вынесена на пляцоўку ў кантэйнер, правы ўласнасці на яго аўтаматычна пераходзяць да арганізацыі, якая займаецца іх зборам на пэўнай тэрыторыі. Крадзеж ДМР з кантэйнера іншымі асобамі — гэта ўжо парушэнне заканадаўства, якое пераследуецца.

З іншага боку, людзі, якія збіраюць другасную сыравіну (не толькі з кантэйнераў, але і з іншых месцаў, дзе яе проста выкідваюць неабачлівыя асобы) і здаюць яе на нарыхтоўчыя пункты, ствараюць значную частку аб'ёму ДМР. Таму, пакуль у нас няма дастатковай колькасці прамысловых магутнасцяў для сартавання ўсіх адходаў, такія «санітары горада» робяць добрую справу, мяркуе спецыяліст.

Ірына СІДАРОК

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».