Вы тут

Расія і Беларусь маюць намер развіваць супрацоўніцтва ў касмічнай сферы


У Нацыянальнай акадэміі навук Беларусі адбылася рабочая сустрэча Старшыні Прэзідыума НАН Беларусі Уладзіміра Гусакова і генеральнага дырэктара Дзяржкарпарацыі «Раскосмас» Юрыя Барысава з удзелам Дзяржаўнага сакратара Саюзнай дзяржавы Дзмітрыя Мезенцава.


Адкрываючы сустрэчу, Уладзімір Гусакоў выказаў удзячнасць расійскаму боку за шматгадовае плённае беларуска-расійскае супрацоўніцтва ў касмічнай сферы. 

— Я хачу сказаць вялікі дзякуй за падтрымку развіцця касмічнай галіны Беларусі. У нас склалася добрая кааперацыя паміж арганізацыямі НАН Беларусі і арганізацыямі Расійскай Федэрацыі, Раскосмасу. Выконваецца шэраг праграм. У выніку створана касмічная сфера Беларусі і ўся яе інфраструктура. У рамках выканання гэтых праграм дасягнуты значныя поспехі, — падкрэсліў у сваёй прамове Уладзімір Гусакоў.

У ходзе рабочай сустрэчы абмяркоўваліся пытанні рэалізацыі праекта па стварэнні расійска-беларускага касмічнага апарата дыстанцыйнага зандзіравання Зямлі звышвысокага распазнавання і яго расійска-беларускай праграмы, рэалізацыя бягучых праграм і фармаванне перспектыўных навукова-тэхнічных праграм Саюзнай дзяржавы па касмічнай тэматыцы, рэалізацыя сумеснага расійска-беларускага праекта па палёце беларускага касманаўта на расійскі сегмент Міжнароднай касмічнай станцыі, у тым ліку навуковая праграма палёту.

— Вашы дзяўчаты прайшлі адбор, мы гатовы іх прыняць і правесці поўны цыкл падрыхтоўкі, — паабяцаў Юрый Барысаў.

Выканаўчы дырэктар па пілатуемых касмічных праграмах Раскосмасу Сяргей Крыкалёў праінфармаваў, што работа ў гэтым напрамку ідзе па плане. У адпаведнасці з устаноўленым парадкам, па ўзгадненні з беларускім бокам, Дзяржкарпарацыя ў бліжэйшы час пачне ўзгадненне адабраных Беларуссю кандыдатаў у касманаўты з міжнароднымі партнёрамі па праекту Міжнароднай касмічнай станцыі.

Акрамя таго, сфарміраваны праект навуковай праграмы беларускага касманаўта, які складаецца з дзевяці работ па розных кірунках. Таксама бакі абмеркавалі распрацоўкі інстытутаў Нацыянальнай акадэміі навук Беларусі ў касмічнай сферы.

Надзея НІКАЛАЕВА

Фота: НАН Беларусі

Выбар рэдакцыі

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні. 

Грамадства

Народнае прадстаўніцтва

Народнае прадстаўніцтва

Вясна гэтага года праходзіць у Беларусі пад знакам Усебеларускага народнага сходу ў яго новым статусе і якасці. 

Грамадства

Хаменка выбраны намеснікам старшыні Савета Рэспублікі восьмага склікання

Хаменка выбраны намеснікам старшыні Савета Рэспублікі восьмага склікання

Ён выбраны таемным галасаваннем з выкарыстаннем бюлетэняў.