Зацверджаны статут і праграма Беларускай партыі «Белая Русь». Такое рашэнне прынятае 18 сакавіка на ўстаноўчым з’ездзе партыі ў МІнску, паведамляе БелТА.
Каля 1 тыс. дэлегатаў з усёй краіны прыехалі ў Мінск на ўстаноўчы з’езд.
«Стварэнне партыі выспела ўнутры нашага грамадства. Людзі захацелі стварыць партыю і стварылі яе, — сказаў старшыня РГА „Белая Русь“ Алег Раманаў. — Людзі разумеюць, што з уладай можна і трэба весці дыялог, можна пазначаць перад ёй праблемы і атрымліваць дзейсныя, сталыя адказы на пытанні. Улада апелюе да грамадзтва, чалавека. І гэта ўзаемнае давер таксама стала ўмовай стварэння палітычнай партыі».
Таксама абраны і зацверджаны склад вышэйшага палітычнага савета партыі, у які ўвайшоў 71 чалавек.
Як паведамлялася раней, праект праграмы партыі «Белая Русь» апублікаваны 28 лютага і прайшоў шырокае грамадскае абмеркаванне. Ініцыятарам стварэння новай партыі выступіла РГА «Белая Русь».
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
