Вы тут

Брэсцкая абласная бібліятэка імя М. Горкага мае намер рэалізаваць вялікі культурна-асветніцкі праект


Брэсцкая абласная бібліятэка імя М. Горкага мае намер рэалізаваць вялікі культурна-асветніцкі праект пад назвай «Праз кнігу — да міру і стварэння». 


Паводле інфармацыі намесніка дырэктара бібліятэкі Ларысы Верамчук, мэтамі праекта яго аўтары называюць умацаванне ідэй міру і міжкультурнага дыялогу ў грамадстве, а таксама папулярызацыю лепшых кніг аб гуманізме, дружбе, каштоўнасці чалавечага жыцця ва ўсіх гістарычных эпохах, ва ўсіх краінах. 

Запланаваны мерапрыемствы, прысвечаныя культуры і літаратуры розных краін свету, адбудуцца сустрэчы з вядомымі людзьмі, творчыя імпрэзы з пісьменнікамі, прэзентацыі кніжных выстаў. 

І першае мерапрыемства праекта адбудзецца заўтра (21 сакавіка). На сустрэчу з чытачамі малодшага школьнага ўзросту прыйдзе консул Рэспублікі Казахстан ў Брэсце Айдар Шалбаеў. Ён пазнаёміць юных чытачоў з культурай і звычаямі сваёй краіны, раскажа пра нацыянальнае казахскае свята Наўрыз, прачытае казахскую народную казку, адкажа на пытанні ўдзельнікаў. 

Сустрэча адбудзецца ў 13.30 у актавай зале абласной бібліятэкі. 

Святлана ЯСКЕВІЧ

Прэв’ю: pexels.com

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.