Вы тут

XXX Мінская міжнародная кніжная выстаўка-кірмаш


У маскоўскім выдавецтве «Молодая гвардия» у серыі «Жыццё знакамітых людзей» пабачыла свет дакументальнае даследванне «Міхаіл Дзевятаеў» — кніга вядомага расійскага пісьменніка-марыніста Мікалая ЧАРКАШЫНА, які нарадзіўся ў Ваўкавыску, на Гародзеншчыне. Сваю кнігу наш зямляк прысвяціў легендарнаму паветранаму асу.


За ўсю гісторыю войнаў XX стагоддзя нікому яшчэ не ўдавалася зрабіць тое, што зрабіў старшы лейтэнант Міхаіл Дзевятаеў: падняць у паветра нямецкі самалёт і вылецець на ім з-пад носа праціўніка, — зазначае пісьменнік Мікалай Чаркашын. — Усіх, хто ўнікаў у гэтую неверагодную гісторыю, захапляла злучанасць шчаслівых выпадковасцяў, дэтэктыўны ход падрыхтоўкі да захопу самалёта і самога палёта. Але пры гэтым за кадрам засталася важнейшая дэталь: самалёт Хе-111, на якім пераляцела лінію фронта група Дзевятаева, быў носьбітам многіх ваенных сакрэтаў нямецкіх ракетчыкаў. Ён жа быў нашпігаваны апаратурай для адсочвання палёта ракет і кіравання імі з паветранага КП! Болей таго, старшы лейтэнант Дзевятаеў паведаміў камандаванню дакладныя месцы размяшчэння стартавых сталоў на палігоне, і па ім быў нанесены знішчальны ўдар з паветра. Калі аб гэтым далажылі Герынгу, ён прыйшоў у лютасць і загадаў аддаць пад трыбунал начальства лагера Пенемюндэ з камендантам аэрадрома на чале...

Міхаіл Дзевятаеў (1917 — 2002) — Герой Савецкага Саюза. Лётчык-знішчальнік. Баявы рахунак у Вялікую Айчынную вайну адкрыў пад Мінскам, збіўшы над сталіцай Беларусі пікіруючы бамбардзіроўшчык. Пасля першых баёў быў адкліканы з Магілёва ў Маскву, дзе быў узнагароджаны ордэнам Чырвонага Сцяга. Усяго за перыяд з 23 чэрвеня 1941 года па 16 верасня 1941 года здзейсніў 180 баявых вылетаў. Сам асабіста збіў 9 самалётаў праціўніка... У ліпені 1944 года быў сам збіты і патрапіў у нямецкі палон. 8 лютага 1945 года разам з групай 10 ваеннапалонных захапіў нямецкі бамбардзіроўшчык і здзейсніў на ім уцёкі... Званне Героя Савецкага Саюза было прысвоена Дзевятаеву 15 жніўня 11957 года па інціыятыве Сяргея Паўлавіча Каралёва.

Кнігу пра героя, якая пабачыла свет накладам 2 000 экзэмпляраў, будзе прэзентавана і ў час мерапрыемстваў XXX Мінскай міжнароднай кніжнай выстаўкі-кірмашу.

Нагадаем, што Мікалай Чаркашын, лёс якога цесна звязаны з Беларуссю, дзе ён жыў не толькі ў Ваўкавыску, але і Баранавічах, Шчучыне, Смаргоні, з’яўляецца аўтарам многіх гістарычных кніг, твораў, якія расказваюць пра Ваенна-Марскі флот СССР, а таксама Расійскай імперыі. Зусім нядаўна ў Выдавецкім доме «Звязда» пабачыў свет раман М. Чаркашына «Берасцейскія вароты».

Мікола БЕРЛЕЖ

Прэв’ю: pexels.com

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.