Міністэрства аховы здароўя перагледзела патрабаванні да займання пасад медыка і фармацэўта

Міністэрства аховы здароўя перагледзела патрабаванні да займання пасад медыка і фармацэўта. Гэта прадугледжана ведамаснай пастановай ад 1 лютага 2023 года нумар 21, паведамляе БелТА са спасылкай на Нацыянальны прававы інтэрнэт-партал.

Прававым актам прадугледжана ўдакладненне патрабаванняў да ўзроўню дадатковай адукацыі дарослых і постдыпломнай прафесійнай падрыхтоўкі пры займанні пасад служачых урачоў-спецыялістаў і правізараў-спецыялістаў.

Цяпер асобам, якія займалі пасады дзяржаўных грамадзянскіх служачых у дзяржорганах і арганізацыях, дзяржаўных служачых міждзяржаўных (міжурадавых) органаў, пасля заканчэння тэрміну работы на названых пасадах або ажыццяўлення гэтых паўнамоцтваў дазволена займаць пасады кіраўнікоў арганізацый аховы здароўя без праходжання перападрыхтоўкі па спецыяльнасці «арганізацыя аховы здароўя».

Змяненнямі таксама ўдакладнены пытанні допуску да пасады ўрача тых, хто прайшоў прафесійную падрыхтоўку. У новай рэдакцыі выкладаецца пералік пасад служачых урачоў-спецыялістаў, для займання якіх патрабуецца праходжанне прафесійнай падрыхтоўкі, пашыраны магчымасці пераходу на пасаду служачага з аднаго профілю ў іншы асобамі, якія атрымалі вышэйшую адукацыю па спецыяльнасці «медыка-дыягнастычная справа», «стаматалогія», скарэкціраваны падыходы да займання пасад правізараў-спецыялістаў.

Пры пераходзе ўрача-спецыяліста з амбулаторна-паліклінічнай арганізацыі аховы здароўя ў бальніцу рэспубліканскага, абласнога (гарадскога) узроўняў, клінічную арганізацыю аховы здароўя або дзяржаўную медыцынскую навуковую арганізацыю для займання пасады ўрача хірургічнага профілю патрабуецца праходжанне кантролю ведаў і практычных навыкаў, якое будзе ажыццяўляцца да прыняцця рашэння аб назначэнні на гэту пасаду і па ініцыятыве ўрача-спецыяліста, які прэтэндуе на займанне гэтай пасады.

Акрамя таго, устаноўлены пералік пасад служачых, якія дапускаюцца да займання ўрачамі-спецыялістамі пасля павышэння кваліфікацыі, і патрабаванні да павышэння кваліфікацыі для займання пасад урача ультрагукавой дыягностыкі і ўрача функцыянальнай дыягностыкі пры пераходзе з пасады служачага ўрача-спецыяліста.

Пастанова ўступае ў сілу пасля яе афіцыйнага апублікавання.

Прэв’ю: БелТА