Вярхоўны Суд сёння, разгледзеўшы апеляцыю па крымінальнай справе ў дачыненні да Аляксандры Герасімені і Аляксандра Апейкіна, пакінуў прысуд без змены, апеляцыйныя скаргі — без задавальнення, паведамляе БелТА.
Гэта значыць, што прысуд судовай калегіі Мінскага гарадскога суда ад 26 снежня ўступіў у законную сілу: абодвум фігурантам па 12 гадоў калоніі. Герасімені прызначанае адбываць пакаранне ў папраўчай калоніі агульнага рэжыму, Апейкіну — у калоніі ўзмоцненага рэжыму.
Раней Мінгарсуд задаволіў грамадзянскія іскі ДУ «Белспортазабеспячэнне», а таксама Беларускай федэрацыі сучаснага пяцібор’я і Беларускай федэрацыі веласіпеднага спорту. З абвінавачаных вырашана салідарна спагнаць маёмасную шкоду: на карысць Беларускай федэрацыі сучаснага пяцібор’я — больш за Br22 150, ДУ «Белспортазабеспячэнне» — Br571 300, Беларускай федэрацыі веласіпеднага спорту — больш за Br86 650.
Як паведамлялася, Герасіменя і Апейкін стварылі незарэгістраванае ў Беларусі аб’яднанне «Беларускі фонд спартыўнай салідарнасці». Са жніўня 2020 года па 20 мая 2022 года праз СМІ і інтэрнэт распаўсюджвалі загадзя ілжывыя звесткі і выдумкі пра падзеі, якія адбываліся ў краіне, аб ходзе і выніках выбарчай кампаніі 2020 года.
Прэв’ю: БелТА
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
