Вы тут

«Беларусь інтэлектуальная» прырастае рэгіёнамі


З 24 па 26 сакавіка горад над Бугам прымаў выставу навукова-тэхнічных дасягненняў «Беларусь інтэлектуальная. Рэгіёны». Асноўную экспазіцыю размясцілі ў легкаатлетычным манежы, машыны і механізмы выстраілі ў лінейку на пляцоўцы перад уваходам у спартыўны комплекс. 


Гэта экспазіцыя стала фінальным акордам шэсця па краіне агляду навуковых дасягненняў апошняга часу. Выстава стартавала ў сталіцы, дзе яе наведалі каля 100 тысяч чалавек, а затым з поспехам пракрочыла па абласных цэнтрах. У Брэсце форум таксама сабраў шмат гасцей і ўдзельнікаў. 

— Брэстчына хоць і аграрны рэгіён, але не адстае ў навуковых і высокатэхналагічных ідэях і распрацоўках — сказаў адкрываючы выставу старшыня Брэсцкага аблвыканкама Юрый Шулейка. — У нас створаны ўсе ўмовы, каб забяспечыць распрацоўкі, іх выпрабаванне і ўкараненне. З самымі разнастайнымі экспанатамі можна азнаёміцца на выставе. Думаю, яна будзе цікавая моладзі, студэнтам, прадстаўнікам працоўных калектываў — заўважыў губернатар. — Усім цікава, чым сёння жыве вялікая навука, як задумкі ўвасабляюцца ў жыццё.

Экспазіцыя была арганізаваная па кластарнаму прынцыпу. У іх ліку штучны інтэлект і высокія тэхналогіі, абаронна-прамысловы комплекс, інавацыйнае прыборабудаванне, АПК, біятэхналогіі, экалогія, ахова здароўя, харчаванне. Свае дасягненні дэманстравалі на гэты раз больш за 150 прадспрыемстваў і ўстаноў краіны. Сярод іх пачэснае месца занялі інавацыйныя распрацоўкі брастаўчан. Напрыклад, кампанія «СтіМ» прадставіла самаходныя машыны для нанясення дарожнай разметкі, «Амкадор-Пінск» паказаў дарожную тэхніку. Асобны раздзел занялі распрацоўкі рэзідэнтаў Брэсцкага навукова-тэхналагічнага парка. Свой навуковы патэнцыял з гонарам прадэманстравалі ўсе чатыры ВНУ рэгіёна. Звярнула на сябе ўвагу спецыялістаў Брэсцкая абласная клінічная бальніца. Дасягненні медыкаў у галіне транспланталогіі і іншых накірунках лячэння становяцца нагодай для вывучэння вопыту і пераймання. 

Намеснік старшыні Дзяржаўнага камітэта па навуцы і тэхналогіях Таццяна Сталярова адзначыла, што рэгіён актыўна ўдзельнічае ў рэалізацыі дзяржаўнай праграмы інавацыйнага развіцця: 

— Варта сказаць, што з 77 праектаў праграмы Брэсцкая вобласць рэалізуе 17, гэта дазваляе ёй прырастаць высокатэхналагічнымі вытворчасцямі, забяспечваць прымяненне інавацыйных тэхналогій у медыцыне, лёгкай прамысловасці, машынабудаўніцтве, іншых галінах. 

Высока ацаніў навуковы патэнцыял Брэсцкай вобласці намеснік старшыні Прэзідыўма Нацыянальнай акадэміі навук Беларусі акадэмік Сяргей Чыжык

— Выстава пачалася ў сталіцы. Пасля таго, як яна атрымала каласальны інтарэс наведвальнікаў, кіраўнік дзяржавы даручыў правезці выставу па абласных цэнтрах — сказаў акадэмік. — Кожны раз, адкрываючы выставу, мы лішні раз можам упэўніцца, што Беларусь — краіна высокаінтэлектуальная. Тут прадстаўлены распрацоўкі ад мікрасхем да аграмадных БЕЛАЗаў, якія з’яўляюцца рэкардсменамі грузапад’ёмнасці. Годна выглядае і раздзел, з якім выступае Брэстчына. 

Толькі ў першы дзень выставу наведалі каля 10 тысяч чалавек. Тут пабывалі дэлегацыі ўсіх раёнаў вобласці на чале з іх кіраўнікамі. Паводле слоў старшыні Пінскага райвыканкама Ігара Брылевіча, яго і калег найбольш зацікавіў аградрон — машына для прымянення сродкаў абароны раслін. Гэта тэхніка недалёкай будучыні шараговых сельгаспрадпрыемстваў, лічаць аграрыі. Ну і айчынны трактар — беспілотнік — не абыходзілі ўвагай тыя, хто прыехаў з рэгіёнаў. 

Начальнік Брэсцкага абласнога ўпраўлення Дзяржпрамнагляду Канстанцін Шаршуновіч найбольш цікавіўся распрацоўкамі ў галіне бяспекі рабочага працэсу і жыццядзейнасці. І такіх знайшлося нямала. Адным словам, кожны адзначыў для сябе нешта цікавае на інтэлектуальным вернісажы. 

Святлана ЯСКЕВІЧ

Фота БелТА

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.