Доля продажу айчыннай агародніны ў Беларусі склала амаль 70 %. Пра гэта на прэс-канферэнцыі распавяла начальніца ўпраўлення гандлю і грамадскага харчавання МАРГ Наталля Мельнікава, паведамляе БелТА.
Па словах Наталлі Мельнікавай, асноўнай агароднінай, у прыватнасці, баршчовым наборам, Беларусь забяспечвае сябе цалкам. Напрыклад, бульбы вырошчваецца ў 13 разоў больш, чым спажываецца, аднак забяспечанасць яблыкамі складае 74 %.
«Па выніках 2022 года доля продажу айчыннай агародніны ў нас склала практычна 70 %. Напрыклад, продаж айчыннай бульбы, капусты, морквы і буракоў складае больш за 80 %. Прыемна, што расце і доля продажу айчынных яблыкаў. За 2022 год прырост на 11 %», — распавяла начальнік упраўлення гандлю і грамадскага харчавання МАРГ.
Яна дадала, што патрэба стабілізацыйных фондаў разлічваецца зыходзячы са статыстычнай інфармацыі з улікам новых падыходаў.
«Статыстычная інфармацыя бярэцца за апошнія тры гады і ў адпаведнасці з гэтым вызначаецца патрэба на міжсезонны перыяд. Намі ўжо пачата работа па падрыхтоўцы разліку гэтай патрэбы на наступны міжсезонны перыяд 2023/2024 года. Мы яшчэ не можам сказаць, павялічыцца гэта патрэба ці знізіцца. Аднак з улікам таго, што мы дыферэнцавалі тэрміны захоўвання стабілізацыйных фондаў па капусце, цыбулі і яблыках, ёсць верагоднасць, што патрэба на наступны перыяд можа трохі змяніцца і зменшыцца да перыяду гэтага года», — адзначыла Наталля Мельнікава.
Прэв’ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
