Вы тут

Сёлета апошні тэрмін падачы падатковай дэкларацыі — 31 сакавіка


Аб неабходнасці падачы падатковай дэкларацыі за мінулы год нагадаў начальнік галоўнага ўпраўлення падаткаабкладання фізічных асоб Міністэрства па падатках і зборах Андрэй Кавалеўскі.


Фота: pixabay.com

Ён, у прыватнасці, адзначыў, што асноўная катэгорыя грамадзян, якія павінны падаць дэкларацыі, — асобы, прызнаныя падатковымі рэзідэнтамі Беларусі, гэта значыць якія пражылі на тэрыторыі краіны больш за 183 дні і якія атрымлівалі даходы з-за мяжы.

«Гэта можа быць заработная плата, любое падобнае ўзнагароджанне, даходы ад выкарыстання ўкладных рахункаў на тэрыторыі замежнай дзяржавы, выйгрышы ў замежных анлайн-казіно і даходы ад блогерства. Акрамя таго, дэкларацыю прадстаўляюць асобы, якія на працягу 2022 года прадалі два і больш легкавых аўтамабілі, адзін або больш грузавы аўтобус, а таксама грамадзяне, якія на працягу пяці гадоў прадалі больш за адну кватэру, жылы дом і зямельны ўчастак.

Акрамя таго, дэкларацыю неабходна прадставіць тым грамадзянам, якія атрымалі падарунак ад асоб, што не знаходзяцца ў адносінах блізкага сваяцтва, на суму больш за 8078 рублёў. Гэта датычыцца як атрыманага даходу ў нашай краіне, так і за мяжой з дапамогай банкаўскіх, паштовых і іншых пераводаў. Калі сума не перавышае ўсталяваную, дэкларацыю прадстаўляць не патрабуецца, а калі перавышае, падаткаабкладанню падлягае сума перавышэння», — распавёў Андрэй Кавалеўскі.

«Штогод прыкладна 30–35 тысяч грамадзян прадстаўляюць падатковыя дэкларацыі ва ўстаноўлены тэрмін. Але некалькі тысяч асоб альбо па няведанні, альбо наўмысна не падае яе. Паколькі падатковыя органы сапраўды валодаюць вялікай колькасцю звестак, падатковым кліентам накіроўваецца апавяшчэнне аб яўцы ў інспекцыю і афармляюцца матэрыялы праверкі», — адзначыў спецыяліст.

Дэкларацыю можна прадставіць рознымі спосабамі: яўка ў інспекцыю самастойна альбо праз упаўнаважанага прадстаўніка на падставе даверанасці, адпраўка па пошце або ў электронным выглядзе праз асабісты кабінет плацельшчыка на сайце падатковых органаў.

Спецыяліст нагадаў, што за непрадстаўленне дэкларацыі ва ўстаноўлены тэрмін прадугледжана адміністрацыйная адказнасць. Максімальны памер штрафу можа складаць да 10 базавых велічынь. «Штраф з’яўляецца разліковай велічынёй і залежыць ад колькасці месяцаў спазнення», — растлумачыў эксперт.

Сяргей КУРКАЧ

Выбар рэдакцыі

Рэгіёны

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Добраўпарадкаванне населеных пунктаў і навядзенне парадку на зямлі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.